ଭଦ୍ରକ,(ଏଟିଆର ବ୍ୟୁରୋ): ଗୋଟିଏ କି’ ଦୁଇଟି ନୁହେଁ ଏକାବେଳକେ ୧୦୦ରୁ ଅଧିକ ନାଗ ସାପ ଉଦ୍ଧାର । ତାହା ପୁଣି ଘର ଭିତରୁ । ବିଶ୍ୱାସ ହେଉନଥିଲେ ବି କଥାଟା ଏକଦମ ସତ । ଭଦ୍ରକ ଅଞ୍ଚଳରେ ନଜରକୁ ଆସିଛି ଏମିତି ଏକ ଘଟଣା । ଧାମନଗର ଥାନା ଅନ୍ତର୍ଗତ ପାଇକସାହି ଗାଁର ବିଜୟ ଭୁୟାଁଙ୍କ ଘରୁ ୧୦୦ରୁ ଅଧିକ ନାଗସାପକୁ ଉଦ୍ଧାର କରିଛି ସ୍ନେକ ହେଲ୍ପଲାଇନ ।
ମିଳିଥିବା ରିପୋର୍ଟ ଅନୁସାରେ, ଆଜି ଘର ଭିତରେ ଗୋଟିଏ ନାଗସାପ ବୁଲୁଥିବା ଦେଖି ଭୟଭିତ ହୋଇପଡିଥିଲେ ପରିବାର ଲୋକେ । ତୁରନ୍ତ ଏନେଇ ସେମାନେ ସ୍ନେକ ହେଲ୍ପଲାଇନର ସହଯୋଗ ଲୋଡିଥିଲେ । ସ୍ନେକ ହେଲ୍ପଲାଇନର ସଦସ୍ୟମାନେ ପହଞ୍ଚି ତନାଘନା କରିବା ପରେ ଘର ଭିତରୁ ଶତାଧିକ ନାଗସାପ ଛୁଆ ଠାବ ହୋଇଥିଲେ । ଉଦ୍ଧାର ନାଗସାପ ଛୁଆକୁ ଦେଖିବା ଲାଗି ଲୋକଙ୍କ ଭିଡ଼ ପ୍ରବଳ ଲାଗିଛି । ଘଟଣାଟି ପୂରା ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି । ସେହିପରି ବାଙ୍କୀର ସାତପଡା ପାଇକ ସାହିରେ ମଧ୍ୟ ଗୋଟିଏ ଘରୁ ମଶାରୀ ଭିତରେ ସାପ ବାହାରିଛି ।
