ଗୁଜୁରାଟ ( ଏଟିଆର ବ୍ୟୁରୋ ) ; ୧୧ ଦିନରେ ୧୧ ଟି ସିଂହଙ୍କ ମୃତଦେହ ଉଦ୍ଧାର । ଗୁଜୁରାଟର ଗିର ଜାତୀୟ ଉଦ୍ୟାନରୁ ଉଦ୍ଧାର ହୋଇଛି ୧୧ଟି ଏସିଆଟିକ ସିଂହଙ୍କ ମୃତଦେହ । ଫୁସଫୁସରେ ସଂକ୍ରମଣ ଓ ନିଜ ନିଜ ମଧ୍ୟରେ ଲଢେଇ ଲାଗି ସିଂହ ମାନଙ୍କ ମୃତ୍ୟୁ ହୋଇଥିବା ବିଭାଗୀୟ ସରକାରୀ ଅଧିକାରୀ ମାନେ କହିଛନ୍ତି । ସେପଟେ ମୃତ୍ୟୁବରଣ କରିଥିବା ସିଂହ ମାନଙ୍କ ମଧ୍ୟରେ ୩ ଜଣ ବୟଷ୍କ ମହିଳା ସିଂହ ଥିବା ବେଳେ ୨ ଜଣ ପୁରୁଷ ସିଂହ ଓ ୬ ଟି ଛୁଆ ସିଂହ ଥିବା ଜଣା ପଡିଛି ।
ସୂଚନାଯୋଗ୍ୟ , ଭାରତରେ ଏସିଆଟିକ ସିଂହ ମାନଙ୍କ ସଂଖ୍ୟା ବହୁତ କମ । ଏପରି ସ୍ଥିତିରେ ଦିନକୁ ଦିନ ସିଂହମାନଙ୍କ ବଂଶ ଲୋପ ପାଇବାରେ ଲାଗିଛି । ତେବେ ୨୦୧୫ ମସିହାର ଗଣନା ଅନୁସାରେ ଭାରତର ଅନେକ ସ୍ଥାନରେ ଏସିଆଟିକ ସିଂହ ମାନଙ୍କ ସଂଖ୍ୟା ୫୨୩ ଟି ଥିବା ବେଳେ ସେମାନଙ୍କ ମଧ୍ୟରୁ ଅନେକଙ୍କ ମୃତ୍ୟୁ ଧିରେ ଧିରେ ହେବାରେ ଲାଗିଛି । ଅନ୍ୟପଟେ ଗୁଜୁରାଟରେ ସିଂହ ମୃତ୍ୟୁକୁ ନେଇ ତଦନ୍ତ ନିର୍ଦ୍ଦେଶ ଦେଇଛନ୍ତି ଗୁଜୁରାଟ ସରକାର ।
