ଭଦ୍ରକ (ଏଟିଆର ବ୍ୟୁରୋ ) ; ନଦୀରୁ ଦୁଇ ଦୁଇଟି ମୃତଦେହ ଉଦ୍ଧାର । ଭଦ୍ରକ ଜିଲ୍ଲାର ବିଭିନ୍ନ ସ୍ଥାନରୁ ଆଜି ଦୁଇଜଣ ବ୍ୟକ୍ତିଙ୍କର ଶବ ଉଦ୍ଧାର କରାଯାଇଛି । ଭଦ୍ରକ ଜିଲ୍ଲାର ଧାମନଗର ବ୍ଲକରେ ପ୍ରବାହିତ କୋଚିଳା ନଦୀରେ ଆଜି ସକାଳେ ଜଣେ ଯୁବକଙ୍କ ମୃତଦେହ ଉଦ୍ଧାର କରାଯାଇଛି । ମୃତକ ଜଣକ ହେଲେ ସନ୍ତୋଷ ରାଉତ । ସ୍ଥାନୀୟ ପଧାନୀ ପଞ୍ଚାୟତ ଆଠଘରିଆ ଗ୍ରାମରେ ସନ୍ତୋଷଙ୍କ ଘର ବୋଲି ଜଣା ପଡିଛି ।
ସେ ଗତ ୨୫ ତାରିଖରେ ଶୌଚ ହେବା ପାଇଁ ପାଖ ନଈକୁ ଯାଇଥିଲେ ହେଲେ ଆଉ ଫେରିନଥିଲେ । ବହୁ ଖୋଜାଖୋଜି ପରେ ମଧ୍ୟ ସେ ମିଳିନଥିଲେ । ତେବେ ଆଜି ସ୍ଥାନୀୟ ଲୋକେ କୋଚିଳା ନଦୀ ରେ ସନ୍ତୋଷଙ୍କ ଶବ ଭାଷୁଥିବାର ଦେଖିଥିଲେ । ସେପଟେ ଆଉ ଏକ ଶବ ମଧ୍ୟ ଉଦ୍ଧାର କରାଯାଇଛି । ଭଦ୍ରକ ଜିଲ୍ଲାର ସାଳନ୍ଦୀ ନଦୀରେ ଥିବା ଏକ ଦଳ ମଧ୍ୟରୁ ଜଣେ ଯୁବକଙ୍କ ମୃତଦେହ ମଧ୍ୟ ଉଦ୍ଧାର କରାଯାଇଛି । ତେବେ ମୃତ ଯୁବକଙ୍କ ପରିଚୟ ମିଳିପାରିନଥିବା ବେଳେ ତଦନ୍ତ ଜାରି ରହିଛି ।
