ଜଗତସିଂହପୁର (ଏଟିଆର ବ୍ୟୁରୋ ) ; ପୋଖରୀକୁ ଗାଧେଇବାକୁ ଯାଇ ଫେରିଲେନି ଦୁଇ ବାଳକ । ପାଣିରେ ବୁଡି ଚାଲିଗଲା ଦୁଇ ଜୀବନ । ଏଭଳି ଦୁଃଖଦ ଘଟଣା ଜଗତସିଂହପୁର ଜିଲ୍ଲା ବାଲିକୁଦା ବ୍ଲକ ଅନ୍ତର୍ଗତ ସିଙ୍ଗିରି ଗ୍ରାମରେ ଘଟିଛି । ମୃତ ବାଳକ ଦୁଇଜଣ ହେଲେ ଓମ ବିଶ୍ୱାଳ ଓ ଆର୍ଯ୍ୟ ସୁମନ ରାଉତ । ସେ ଦୁଇଜଣ ସଙ୍ଗିରି ଉଚ୍ଚ ପ୍ରଥମିକ ବିଧ୍ୟାଳୟର ଛାତ୍ର ବୋଲି ଜଣା ପଡିଛି । ଓମ ପଞ୍ଚମ ଶ୍ରେଣୀରେ ପାଠ ପଢୁଥିବା ବେଳେ ଆର୍ଯ୍ୟ ତୃତୀୟ ଶ୍ରେଣିରେ ପାଠ ପଢୁଥିଲେ ।
ଆଜି ସକାଳ ସମୟରେ ଉଭୟେ ଗାଧେଇବା ପାଇଁ ପୋଖରୀକୁ ଯାଇଥିଲେ । କିନ୍ତୁ ସେମାନେ ବହୁସମୟ ବିତି ଯାଇଥିଲେ ହେଁ ଆଉ ଘରକୁ ଫେରିନଥିଲେ । ତେବେ ପରିବାର ଲୋକେ ଓ ଗ୍ରାମବାସୀ ବହୁ ଖୋଜାଖୋଜି ପରେ ପୋଖରୀରୁ ସେମାନଙ୍କ ମୃତଦେହ ଠାବ କରିଥିଲେ । ପରେ ସେମାନଙ୍କୁ ଉଦ୍ଧାର କରି ଜଗତସିଂହପୁର ଜିଲ୍ଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିଲା । କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିବା ଜଣା ପଡିଛି । ସେପଟେ ଏଭଳି ଦୁଃଖଦ ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଛି ।
