ମୁମ୍ବାଇ (ଏଟିଆର ବ୍ୟୁରୋ ) ; ନିଶାଗ୍ରସ୍ତ ଅବସ୍ଥାରେ ଗାଡି ଚଳାଉଛନ୍ତି ବଲିଉଡର ଅଭିନେତା । ଅଟୋକୁ ଧକ୍କା କରି ଫେରାର ହୋଇ ଗିରଫ ହେଲେ ହିନ୍ଦୀ ଫିଲ୍ମର ଜଣେ ଜଣା ଶୁଣା ଅଭିନେତା ଦଲୀପ ତାହିଲ । ଗତ ରବିବାର ଦିନ ଘଟିଛି ଏହି ଘଟଣା । ମୁମ୍ବାଇର ଚାଇନା ଗାର୍ଡେନ ରେଷ୍ଟରୋରାଣ୍ଟ ସାମ୍ନାରେ ଏକ ଅଟୋକୁ ଧକ୍କା ଦେଇଥିଲା ଦଲୀପଙ୍କ କାର ।
ଅଟୋରେ ଜେନିତା ଗାନ୍ଧି ଓ ଗୌରବ ଚଗ ନାମକ ଦୁଇଜଣ ଯାତ୍ରୀ ଥିବା ବେଳେ ସେମାନେ ଆହତ ହୋଇଛନ୍ତି । ତେବେ ଦୁର୍ଘଟଣା ଘଟାଇ ଦଲୀପ ଘଟଣାସ୍ଥଳରୁ ଖସି ପଳାଇଯିବାକୁ ଚେଷ୍ଟା କରିଥିଲେ । ହେଲେ ଗଣେଷ ଭଷାଣୀ କାରଣରୁ ରାସ୍ତା ଜାମ ଥିବାରୁ ସେ ବେଶି ବାଟ ଯାଇପାରିନଥିଲେ । ସେପଟେ ଆହତମାନେ ଦଲୀପଙ୍କ ପିଛା କରି କରି ତାଙ୍କୁ ଠାବ କରିଥିଲେ । କିନ୍ତୁ ଦଲୀପ ସେଠାରେ ନିଜ ଭୂଲ ପାଇଁ କ୍ଷମା ମାଗିବା ପରିବର୍ତ୍ତେ ଆହତ ମାନଙ୍କ ସହ ଯୁକ୍ତିତର୍କ କରିଥିଲେ ।
ଖାଲି ସେତିକି ନୁହେଁ ଅହତ ମାନଙ୍କୁ ଧକ୍କା ମଧ୍ୟ ମାରିଛନ୍ତି ଦଲୀପ । ପରେ ଏହାକୁ ନେଇ ଗୌରବ ସଂଗେ ସଂଗେ ପୋଲିସ ଜଣାଇଥିଲେ । ପୋଲିସ ଘଟଣାସ୍ଥଳେ ପହଞ୍ଚି ଦଲୀପଙ୍କୁ ଗିରଫ କରି ଥାନାକୁ ନେଇ ଯାଇଥିଲେ । ପରେ ଦଲୀପ ଥାନାରୁ ଜାମିନରେ ଆସିଥିବା ଜଣାପଡିଛି ।
