ନୂଆପଡା,(ଏଟିଆର ବ୍ୟୁରୋ): ଗାଁରେ ତାଣ୍ଡବ ରଚିଲା ଭାଲୁ । ଜଣେ କି’ ଦୁଇଜଣ ନୁହଁ ପୂରା ୧୦ଜଣଙ୍କୁ ଘାଇଲା କଲା । ଭାଲୁ ଆକ୍ରମଣରେ ରକ୍ତାକ୍ତ ହୋଇଥିବା ଆହତଙ୍କୁ ଏବେ ହସପିଟାଲରେ ଭର୍ତ୍ତି କରାଯାଇଛି । ଅବସ୍ଥା ସମସ୍ତଙ୍କର ଖରାପ ଥିବା ସୂଚନା ମିଳିଛି । ଏଭଳି ଏକ ଅଭାବନୀୟ ଘଟଣା ଘଟିଛି ନୂଆପଡା ଜିଲ୍ଲା କରଙ୍ଗାମାଲ ଗାଁରେ ।
ରିପୋର୍ଟ ଅନୁସାରେ, ଭାଲୁଟି ସ୍ଥାନୀୟ ଅଞ୍ଚଳରେ ଥିବା ଜଙ୍ଗଲରୁ ଅଚାନକ ବାହାରି ଆସି ଗାଁ ଭିତରକୁ ପଶିଥିଲା । ଏହାପରେ ସେ ଗୋଡାଇ ଗୋଡାଇ ସମସ୍ତଙ୍କୁ ଆକ୍ରମଣ କରିଥିବା କୁହାଯାଉଛି । ତେବେ ସକାଳେ ୮ଜଣଙ୍କୁ ଲହୁଲୁହାଣ କରିବା ପରେ ସନ୍ଧ୍ୟାରେ ମଧ୍ୟ ଆଉ ୨ଜଣଙ୍କୁ ଭାଲୁ ରକ୍ତାକ୍ତ କରି ପକାଇଥିଲା । ତେବେ ଘଟଣାକୁ ନେଇ ଗାଁରେ ଏକ ଭୟର ବାତାବରଣ ଖେଳିଯାଇଛି । ଲୋକେ ବନ ବିଭାଗକୁ ଦାୟି କରି ଅସନ୍ତୋଷ ପ୍ରକାଶ କରିଛନ୍ତି ।
