ଭୁବନେଶ୍ୱର (ଏଟିଆର ବ୍ୟୁରୋ ) ; କଂଗ୍ରେସର ଗୋଲାପ ଉପହାର । ବିଧାୟକ ,ମନ୍ତ୍ରୀ ତଥା ବରିଷ୍ଠ ପୋଲିସ ଅଧିଲାରୀଙ୍କୁ ଗୋଲାପ ଫୁଲ ବଣ୍ଟନ କରିଛନ୍ତି କଂଗ୍ରେସ କର୍ମୀ । ଆଜି ସାରା ଦେଶରେ ବନ୍ଦ ଡାକରା ଦେଇଛି କଂଗ୍ରେସ । ସାରା ଦେଶ ସମେତ ରାଜଧାନୀ ଭୁବନେଶ୍ୱରରେ ମଧ୍ୟ ବନ୍ଦର ପ୍ରଭାବ ଅନେକ ମାତ୍ରାରେ ଦେଖିବାକୁ ମିଳିଛି । କଂଗ୍ରେସର ବଡ ବଡ ନେତା ସାମିଲ ହୋଇଛନ୍ତି ଭାରତ ବନ୍ଦ ଡାକରାରେ ।ବନ୍ଦକୁ ସଫଳ କରିବା ନିମନ୍ତେ କଂଗ୍ରେସ କର୍ମୀମାନେ ବିଭିନ୍ନ ସ୍ଥାନରେ ପିକେଟିଂ କରି ରାସ୍ତା ଅବରୋଧ କରିଥିଲେ। ତେବେ ବିଧାନସଭା ସମ୍ମୁଖରେ କିଛି ଦୃଶ୍ୟ ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି । ବିଧାନସଭାକୁ ଆସୁଥିବା ପ୍ରତେକ ବିଧାୟକ ,ମନ୍ତ୍ରୀ ଓ ବରିଷ୍ଠ ପୋଲିସ ଅଧିକାରୀଙ୍କୁ ଗୋଲାପ ଫୁଲ ଦେଇ ସ୍ୱାଗତ କାରିଛନ୍ତି କଂଗ୍ରେସ କର୍ମି ।
ରାଜ୍ୟ ପ୍ରଦେଶ କଂଗ୍ରେସର ସଭାପତି ତଥା ଓଡିଶା କଂଗ୍ରେସର ମୁଖିଆ ନିରଞ୍ଜନ ପଟ୍ଟନାୟକଙ୍କ ନେତୃତ୍ୱରେ ବିଧାନସଭା ସମ୍ମୁଖରେ ଦଳୀୟ କର୍ମି ମାନେ ବସିରହିଥିଲେ । ତେବେ ବିଧାନସଭା ମଧ୍ୟକୁ ଯିଏ ଆସୁଥିଲା ତାଙ୍କୁ ଅଟକାଉଥିଲେ କଂଗ୍ରେସ କର୍ମୀ । ଗୋଲାପ ଫୁଲ ଦେଇ ଆନ୍ଦୋଳନରେ ସାମିଲ ହେବାକୁ କଂଗ୍ରେସ କର୍ମୀ କହୁଥିଲେ । ଆଇପିଏସ୍ ଅମିତାଭ ଠାକୁର ଓ ସୁନୀଲ ରାୟଙ୍କଗାଡ଼ିକୁ ଅଟକାଇ ସେମାନଙ୍କୁ ଗୋଲାପ ଫୁଲ ଦେଇଥିଲେ କଂଗ୍ରେସ କର୍ମୀମାନେ । ସେହିପରି ସ୍ୱାସ୍ଥ୍ୟ ମନ୍ତ୍ରୀ ପ୍ରତାପ ଜେନାଙ୍କୁ ମଧ୍ୟ ଗୋଲାପ ଫୁଲ ଦିଆଯାଇଥିଲା। ଆଜି ବିଧାନ ସଭାକୁ ବହୁ ବିଧାୟକ ଭିନ୍ନ ଭିନ୍ନ ଢଙ୍ଗରେ ଆସିଛନ୍ତି । ସ୍ୱାସ୍ଥ୍ୟ ମନ୍ତ୍ରୀ ପ୍ରତାପ ଜେନାବାଇକରେ ବିଧାନସଭା ଆସିଥିବା ବେଳେ କେହି କେହି ପାଦରେ ଚାଲି ଚାଲି ବିଧାନସଭାରେ ପହଞ୍ଚିଛନ୍ତି ।
