ଭୁବନେଶ୍ୱର,(ଏଟିଆର ବ୍ୟୁରୋ): ଦେବଦାସ କାହାଣୀକୁ ନେଇ ଖୁବ ଶୀଘ୍ର ରିଲିଜ ହେବାକୁ ଯାଉଛି ନୂଆ ଓଡିଆ ଫିଲ୍ମ ‘ନାୟକର ନା ଦେବଦାସ’ । ଯାହାର ଫାଷ୍ଟ ପୋଷ୍ଟର ଏବେ ରିଲିଜ ହୋଇଛି । ଫିଲ୍ମରେ ଦେବଦାସ ଭୁମିକାରେ ନଜର ଆସିବେ ଅଭିନେତା ଅସିତ । ସେହିପରି ପାରୋ ଭୁମିକାରେ ଅଭିନେତ୍ରୀ ଭୁମିକା ଓ ଚନ୍ଦ୍ରମୁଖୀ ଚରିତ୍ରରେ ଅନୁଚୌଧୁରିଙ୍କୁ ଦେଖିବାକୁ ପାଇବେ ଦର୍ଶକ ।
ଏହି ଫିଲ୍ମରେ ଲିଡ ରୋଲରେ ଥିବା ଅସିତ ପୂର୍ବରୁ ଫିଲ୍ମ ଭୈରବରେ ଚମକ୍ରାର ଅଭିନୟ କରିଥିଲେ । ଏବେ ଏହି ଫିଲ୍ମ ତାଙ୍କର ଦିତ୍ୱୀୟ ସିନେମା । ସେପଟେ ସୁଟିଂ ସେଟରୁ ଭୁମିକାଙ୍କ ପାରୋ ଲୁକର କିଛି ଫଟୋ ଏବେ ରିଲିଜ ହୋଇଛି । ବେଙ୍ଗଲୀ ଶାଢ଼ୀ ସାଙ୍ଗକୁ ଲମ୍ବା କେଶ ତା’ ସହ ପୁଣି ପାରୋ ଲୁକ ଏକ ନିଆରା ପରିଚୟ ଦେଇଛି ଭୁମିକାଙ୍କୁ । ଏହି ଫିଲ୍ମର ସୁଟିଂ ଏବେ ଜୋରଦାର ଚାଲିଛି । ଏପଟେ ଅଭିନେତ୍ରୀ ଅନୁଚେଧୁରୀଙ୍କୁ ଦେଖିବାକୁ ମିଳିବ ଚନ୍ଦ୍ରମୁଖି ଭୁମିକାରେ । ଚନ୍ଦ୍ରମୁଖି ଭଳି ବଳିଷ୍ଠ ଚରିତ୍ରକୁ ପରଦାରେ ତୁଲାଇବେ ଅନୁ । ଆଶା ଏହା ଦର୍ଶକଙ୍କ ମନକୁ ପାଇବ ।
ପୂର୍ବରୁ ମଧ୍ୟ ଅନୁଙ୍କ ଗ୍ଲାମରସ ଲୁକ ଦର୍ଶକଙ୍କୁ ବାଇଆ କରିଛି । ମୃତୁଞ୍ଜୟ ସାହୁ ଏହି ଫିଲ୍ମର ନିର୍ଦ୍ଦେଶନା ଦାୟିତ୍ୱରେ ଥିବା ବେଳେ ଫିଲ୍ମର ପ୍ରଯୋଜନା କରୁଛନ୍ତି ଶିଶିର ଚନ୍ଦ୍ର ଦାସ ଓ କିର୍ତ୍ତନ ଚନ୍ଦ୍ର ପାତ୍ର ।
