କଳାହାଣ୍ଡି (ଏଟିଆର ବ୍ୟୁରୋ ) ; ସଡକ ଦୁର୍ଘଟଣା ରେ ଚାଲିଗଲା ଦୁଇ ଯୁବକଙ୍କ ଜୀବନ । ଭୋଜି ଖାଇବା କାଳ ହେଲା । ବାଇକକୁ ଧକ୍କା ଦେଲା ବୋଲେରୋ । ଫଳରେ ଦୁଇ ବାଇକ ଅରୋହୀଙ୍କ ମୃତ୍ୟୁ ଘଟିଛି । ଏଭଳି ଅଭାବନୀୟ ଘଟଣା କଳାହାଣ୍ଡି ଜିଲ୍ଲା ଜୟପାଟଣା ମୋଟେର ଦୁଲକିବନ୍ଧ ନିକଟରେ ଘଟିଛି । ଯାହା ସମଗ୍ର ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି ।
ସୂଚନା ଅନୁସାରେ , ଗତାକାଲି ରାତିରେ ବିଜମରା ଗ୍ରାମର ପଦ୍ମନାଭ ରଣା ଓ ବଡକୁଟୁରୁ ଗ୍ରାମର ସାଇ ସୌରଭ ପଣ୍ଡା ବାଇକରେ ଯୋଗେ ପାଖ ଗ୍ରାମରୁ ଭୋଜି ଖାଇ ଫେରୁଥିଲେ । ଠିକ ଏହି ସମୟରେ ସାମ୍ନା ପଟୁ ଆସୁଥିବା ଏକ ବୋଲେରୋ ସେମାନଙ୍କୁ ଧକ୍କା ଦେଇଥିଲା । ଫଳରେ ଉଭୟେ ଘଟଣା ସ୍ଥଳରେ ପଡିଯାଇଥିଲେ । ପରେ ଘଟଣା ସ୍ଥଳରେ ପଦ୍ମନାଭଙ୍କ ମୃତ୍ୟୂ ହୋଇଥିବା ବେଳେ ଗୁରୁତର ଅବସ୍ତାରେ ସାଇ ସୌରଭଙ୍କୁ ସ୍ଥାନୀୟ ଭବାନୀପାଟଣା ଡାକ୍ତରଖାନା କୁ ନିଆଯାଇଥିଲା । ହେଲେ ବାଟରେ ତାଙ୍କର ମୃତ୍ୟୁ ଘଟିଥିବା ଜଣାପଡିଛି । ଏଭଳି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।
