ଉତ୍ତରାଖଣ୍ଡ,(ଏଟିଆର ବ୍ୟୁରୋ): ପୁଣି ଏକ ବଡ଼ ଧରଣର ଦୁର୍ଘଟଣା । ଘାଟି ତଳକୁ ଖସିପଡିଲା ବସ । ଏହି ଘଟଣାରେ ୧୩ଜଣଙ୍କ ମୃତ୍ୟୁ ହୋଇଥିବା ବେଳେ ପାଖାପାଖି ୧୧ରୁ ଅଧିକ ଆହତ ହୋଇଥିବା ସୂଚନା ମିଳିଛି । ଘଟଣା ଘଟିଛି ଉତ୍ତରାଖଣ୍ଡରେ ।
ମିଳିଥିବା ରିପୋର୍ଟ ଅନୁସାରେ, ଉତ୍ତରାଖଣ୍ଡ ପରିବହନ ନିଗମର ଏକ ବସ ଯାତ୍ରୀଙ୍କୁ ନେଇ ଯାଉଥିଲା । ତେବେ ଋଷିକେଶ-ଗଙ୍ଗୋତ୍ରୀ ରାଜପଥର ସୂର୍ଯ୍ୟଧର ନିକଟରେ ଥିବା ଏକ ଘାଟିରେ ଦୁର୍ଘଟଣାଗ୍ରସ୍ତ ହୋଇଥିଲା । ବସଟି ୨୫୦ମିଟର ତଳକୁ ଖସିପଡିଥିଲା । ବସରେ ମୋଟ ୨୫ଜଣ ଯାତ୍ରୀ ରହିଥିବା ସୂଚନା ମିଳିଛି । ଦୁର୍ଘଟଣା ପରେ ପୁଲିସ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛି । ଆହତଙ୍କୁ ହେଲିକେପ୍ଟର ଆମ୍ବୁଲାନ୍ସ ସେବା ଯୋଗାଇ ଦେବା ଲାଗି ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ସେପଟେ ମୃତକଙ୍କ ପରିବାରକୁ ୨ଲକ୍ଷ ଟଙ୍କା ସମେତ ଆହତଙ୍କୁ ଚିକିତ୍ସା ବାବଦରେ ୫୦ହଜାର ଟଙ୍କା ଯୋଗାଇ ଦିଆଯିବ ବୋଲି ମଧ୍ୟ ମୁଖ୍ୟମନ୍ତ୍ରୀ ଘୋଷଣା କରିଛନ୍ତି ।
