ଭୁବନେଶ୍ୱର (ଏଟିଆର ବ୍ୟୁରୋ ) ; ନୂଆ ଦଳ ଗଢିବେ ଦାମ । ପ୍ରବାଦପୁରୁଷ ବିଜୁ ପଟ୍ଟନାୟକଙ୍କ ନାମରେ ଦଳ ଗଢିବେ ବିଜେଡିରୁ ବହିସ୍କୃତ ତଥା ପାରାଦୀପର ବିଧାୟକ ଡଃ ଦାମୋଦର ରାଉତ । ଚଳିତ ମାସ ଶେଷ ସୁଦ୍ଧା ବିଧିବଦ୍ଧ ଭାବେ ଦଳ ଗଠନ ହେବା ନେଇ ସୁଚନା ଦେଇଛନ୍ତି ଦାମୋଦର । ବିଜୁ ଙ୍କ ଅନୁଗତ ମାନଙ୍କୁ ନେଇ ସେ ଦଳ ଗଢିବେ ବୋଲି ପ୍ରକାଶ କରିଛନ୍ତି । ଏ ନେଇ ସେ ବହୁ ପୁରୁଖା ନେତା ମାନଙ୍କ ସହ ସମ୍ପର୍କରେ ଅଛନ୍ତି ବୋଲି ଦାମ କହିଛନ୍ତି ।
ଏବେ ପିତୃପକ୍ଷ ଚାଲିଥିବାରୁ ଗୋଟିଏ ଭଲ ବେଳା ଦେଖି ଦଳ ଘୋଷଣା କରିବେ ଦାମୋଦର ପ୍ରକାଶ କରିଛନ୍ତି । ତେବେ କେଉଁ ନେତା ମାନେ ତାଙ୍କ ସମ୍ପର୍କରେ ରହିଥିବା ପ୍ରଶ୍ନର ଉତ୍ତରରେ ସେ ଏବେ ତାଙ୍କ ନାମ ଗଣମାଧ୍ୟମ ଆଗରେ ନ କହିବାକୁ ସେ ଇଚ୍ଛା ପ୍ରକାଶ କରିଛନ୍ତି । ସେହି ଦଳରେ କେବଳ ଅସଲି ବିଜୁ ଅନୁଗତ ମାନଙ୍କୁ ସ୍ଥାନ ମିଳିବ ଶ୍ରୀ ରାଉତ କହିଛନ୍ତି । ଏବେ ବିଜେଡିରେ କେବଳ ସବୁ ନକଲି ବିଜୁ ପ୍ରେମୀ ରହିଥିବାର ସେ କହିଛନ୍ତି ।
ସେପଟେ ନୂଆ ଦଳ ଗଠନ ନେଇ ଦାମ ଙ୍କ ସମର୍ଥକ ବେଶ ଉତ୍ସାହିତ ଅଛନ୍ତି । ଦାମ ଏହା ମଧ୍ୟରେ ବିଭିନ୍ନ ସ୍ଥାନରେ ବହୁ କାଯ୍ୟକ୍ରମ କରି ନିଜ ସମର୍ଥକଙ୍କ ସହ ସମ୍ପର୍କରେ ରହୁଛନ୍ତି । ତେବେ ହେି ଦଳରେ ବିଜେଡିରୁ ବହିଷ୍କୃତ ପୂର୍ବତନ ସାଂସଦ ବୈଜୟନ୍ତ ପଣ୍ଡା, ପୂର୍ବତନ ମନ୍ତ୍ରୀ ପ୍ରଫୁଲ୍ଲ ଘଡ଼େଇ, ରାମକୃଷ୍ଣ ପଟ୍ଟନାୟକ, ସୁରେନ୍ଦ୍ର ନାୟକଙ୍କ ଭଳି ନେତାଙ୍କୁ ଏଥିରେ ସାମିଲ କରାଯିବା ନେଇ ଇସାରା ଦେଇଛନ୍ତି ଦାମ । ଅନ୍ୟପଟେ ନୁଆ ଦଳରେ ପୂର୍ବତନ ମନ୍ତ୍ରୀ ବିଜୟ ମହାପାତ୍ର ସାମିଲ ନେଇ ଏଯାଏଁ କୌଣସି ସ୍ପଷ୍ଠ ସୂଚନା ମିଳିପାରିନାହିଁ । ଦାମ ନୂଆ ଦଳ ଗଢିବା ନେଇ ସବୁଜ ସଂକେତ ଦେଇଥିବାରୁ ତାଙ୍କ ସମର୍ଥକଙ୍କ ମଧ୍ୟରେ ଉତ୍ସାହ ଦେଖାଯାଇଛି ।
