ଭୁବନେଶ୍ୱର,(ଏଟିଆର ବ୍ୟୁରୋ): ଲିଙ୍ଗରାଜ ମାର୍କେଟ ସାମ୍ନାରେ ଥିବା ଏକ ବଡ଼ପୂଜା ଦୋକାନରେ ଭୟାବହ ଅଗ୍ନିକାଣ୍ଡ । ଭୋରୁ ଭୋରୁ ଏହି ନିଆଁ ଲାଗିଥିବା ଜଣାପଡିଛି । ଘଟଣାରେ ଲକ୍ଷାଧିକ ଟଙ୍କାର ସମ୍ପତି ପୋଡି ଯାଇଥିବା ସୂଚନା ମିଳିଛି ।
ତେବେ ନିଆଁ ଲାଗିବାର କାରଣ ଜଣାପଡିନାହିଁ । ସଟସର୍କିଟରୁ ଏପରି ଘଟିଥିବା ଅନୁମାନ କରାଯାଉଛି । ନିଆଁକୁ ଆୟତ କରିବାକୁ ଅଗ୍ନିଶମ ବିଭାଗର ୩ଟି ଗାଡି ସମେତ ୧୮ଜଣ କର୍ମଚାରୀ ଚେଷ୍ଟା ଜାରି ରଖିଛନ୍ତିି । ସକାଳୁ ସକାଳୁ ହଠାତ ଘର ଭିତରୁ ଧୁଆଁ ବାହାରୁଥିବା ଲୋକେ ଦେଖିବାକୁ ପାଇଥିଲେ । ନିଆଁକୁ ଆୟତ କରିବାକୁ ସେମାନେ ଚେଷ୍ଟା କରିଥିଲେ ମଧ୍ୟ ଭିତରକୁ ଯିବା ସମ୍ଭବ ହୋଇନଥିଲା । ସେପଟେ ଏହା ଓଲ୍ଡଟାଉନର ସବୁଠୁ ବଡ଼ ପୂଜା ଦୋକାନ ବୋଲି ଜଣାପଡିଛି । ରଥ ରୋଡରେ ଏହି ଦୋକାନ ରହିଛି । ନିଆଁ ଲାଗିବାକୁ ନେଇ ପୂରା ଅଁଚଳରେ ଆତଙ୍କ ଖେଳିଯାଇଛି ।
