ଭଦ୍ରକ,(ଏଟିଆର ବ୍ୟୁରୋ): ଜଳିଗଲେ ମହିଳା । ଘରେ ଶୋଇଥିବା ବେଳେ ଅଚାନକ ଅଗ୍ନିକାଣ୍ଡ ଘଟିଥିଲା । ଫଳସ୍ୱରୂପ ୩ବଖରା ଘର ଜଳିଯିବା ସହ ଜୀବନ୍ତ ଦଗ୍ଧ ହୋଇଯାଇଛନ୍ତି ମହିଳା । ଏଭଳି ଦୁଃଖଦ ଘଟଣା ଘଟିଛି ଭଦ୍ରକ ଜିଲ୍ଲା ସେକସାହି ଗ୍ରାମରେ । ମୃତ ମହିଳାଙ୍କ ନାଁ ସୁବାସିନୀ ଖିଲାର ବୋଲି ଜଣାପଡିଛି । ପୁଲିସ ମୃତଦେହକୁ ଜବତ କରି ବ୍ୟବଚ୍ଛେଦ ଲାଗି ହସପିଟାଲ ପଠାଇଛି । ଗତକାଲି ବିଳମ୍ବିତ ରାତିରେ ଏହି ଅଘଟଣ ଘଟିଛି ।
ମିଳିଥିବା ରିପୋର୍ଟ ଅନୁସାରେ, ସୁବାସିନୀ ଘରେ ଖାଇପିଇ ଏକଲା ଶୋଇଥିବା ବେଳେ କୌଣସି କାରଣରୁ ଅଗ୍ନିକାଣ୍ଡ ଘଟିଥିଲା । ଚାହୁଁ ଚାହୁଁ ପୂରା ଘର ହୁତୁହୁତୁ ହୋଇ ଜଳିବାକୁ ଲାଗିଥିଲା । ଭିତରେ ଥିବା ସୁବାସିନୀଙ୍କ ଚିକ୍ରାର ଶୁଣି ଯଦିଓ ସ୍ଥାନୀୟ ଲୋକ ପହଞ୍ଚି ଅଗ୍ନିଶମ ବିଭାଗକୁ ଖବର ଦେଇଥିଲେ କିନ୍ତୁ ସୁବାସିନୀଙ୍କୁ ଉଦ୍ଧାର କରିବା ସମ୍ଭବ ହୋଇନଥିଲା । ଜୀବନ ଦଗ୍ଧ ହୋଇଯାଇଥିଲେ ସୁବାସିନୀ ।
