ଭୁବନେଶ୍ୱର: ଓଲିଉଡ ଅଭିନେତ୍ରୀ ଝିଲିକଙ୍କ ପାଇଁ ଖୁସି ଖବର । ଗୋଟିଏ ପଟେ ତାଙ୍କ ଫିଲ୍ମ ‘ଓଲେ ଓଲେ ଦିଲ୍ ବୋଲେ’ ସିନେମା ହଲରେ ମୁକ୍ତିଲାଭ କରୁଥିବା ବେଳେ ଅନ୍ୟପଟେ ତାଙ୍କୁ ରାଜଧାନୀ ଗୌରବ ସମ୍ମାନରେ ସମ୍ମାନିତ କରାଯାଇଛି । ତାଙ୍କ ପାଇଁ ଏହାଠାରୁ ବଳି ଖୁସିର ଦିନ ଆଉ କଣ ହୋଇପାରେ ।
ଆଜ୍ଞା ହଁ, ୭୦ତମ କ୍ୟାପିଟାଲ ଫାଉଣ୍ଡେସନ ଡେ’ ସମାରୋହ ଉତ୍ସବରେ ଆଜି ଝିଲିକଙ୍କୁ ପୁରସ୍କୃତ କରାଯାଇଛି । ଫିଲ୍ମ ଇଣ୍ଡଷ୍ଟ୍ରିରେ ତାଙ୍କର ଦକ୍ଷ ଅଭିନୟ ପାଇଁ ତାଙ୍କୁ ଏହି ରାଜଧାନୀ ଗୌରବ ସମ୍ମାନ ଟାଇଟେଲଟି ପ୍ରଦାନ କରାଯାଇଛି । ଏହି ଟାଇଟେଲଟି ହାତେଇବା ପରେ ଝିଲିକ୍ ତାଙ୍କ ଇଂଷ୍ଟାଗ୍ରାମ ଆକାଉଣ୍ଟରେ ଫଟୋ ସେୟାର କରିଛନ୍ତି ।
ସେ ଲେଖିଛନ୍ତି ଯେ,”ମୋତେ ଏତେ ଭଲ ପାଇବା ଦେଇଥିବାରୁ ଓଡିଶାବାସୀଙ୍କୁ ବହୁତ ଧନ୍ୟବାଦ । ଅଧିକ କିଛି କହିବାକୁ ମୋ ପାଖରେ ଶଦ୍ଧ ନାହିଁ । ପ୍ରକୃତରେ କୋଲକତାରୁ ଆସି ଓଡିଶାରେ ପୁରସ୍କୃତ ହେବା ତାହା ପୁଣି ରାଜଧାନୀ ସମ୍ମାନ ।”
ଗିତାଞ୍ଜଳୀ ବ୍ୟାନରରେ ନିର୍ମିତ କୈଳାଶ ମହାପାତ୍ରଙ୍କ ନିର୍ଦ୍ଦେଶିତ ଫିଲ୍ମ ‘ଓଲେ ଓଲେ ଦିଲ୍ ବୋଲେ’ରେ ଝିଲିକ୍ ଏବଂ ଜ୍ୟୋତିଙ୍କ ଯୋଡି ଦର୍ଶକଙ୍କ ମନ ମୋହିବ ବୋଲି ପ୍ରଯୋଜକ ଏବଂ ନିର୍ଦ୍ଦେଶକଙ୍କ ଆଶା ଓ ବିଶ୍ୱାସ ।
