ଭୁବନେଶ୍ୱର (ଏଟିଆର ବ୍ୟୁରୋ ) ; କେରଳ ପାଇଁ ଅମ୍ବାନୀ ଦମ୍ପତିଙ୍କ ଦରଦ । କେରଳକୁ ୭୧କୋଟି ସହାୟତା ଦେବ ରିଲାଏନ୍ସ ଫାଉଣ୍ଡେସନ । କେରଳରେ ବନ୍ୟା ପ୍ରପୀଡିତଙ୍କ ପାଇଁ ଆର୍ଥିକ ସହାୟତା ଘେଷଣା କଲେ ଅମ୍ବାନୀ ପରିବାର । ରିଲାଏନ୍ସ ଫାଉଣ୍ଡେସନ ତରଫରୁ କେରଳ ମୁଖ୍ୟମନ୍ତ୍ରୀଙ୍କ ରାଜ୍ୟ ରାଜକୋଷକୁ ୨୧ କୋଟି ଟଙ୍କାର ସହାୟତା ଦିଆଯିବା ଲାଗି ଘୋଷଣା କରାଯାଇଛି । ଖାଲି ସେତିକି ନୁହେଁ ୫୦ କୋଟିର ଅତିରିକ୍ତ ସାହାର୍ଯ୍ୟ କରିବ ରିଲାଏନ୍ସ ଫାଉଣ୍ଡେସନ । କେରଳର ବନ୍ୟାରେ ନଷ୍ଟ ହୋଇଥିବା ଇନଫ୍ରାଷ୍ଟ୍ରକଚରକୁ ସଜାଡିବ ରିଲାଏନ୍ସ ଫାଉଣ୍ଡେସନ । ସେହିପରି ଭାଙ୍ଗି ଯାଇଥିବା ସ୍କୁଲ , କଲେଜ ତଥା ଡାକ୍ତରଖାନାର ବି ମରାମତି କରିବ ରିଲାଏନ୍ସ ଫାଉଣ୍ଡେସନ । ବିଭିନ୍ନ ଜାଗାରେ ନୂଆ ରିଲିଫ କ୍ୟାମ୍ପ ତିଆରି ମଧ୍ୟ କରାଯିବ ବୋଲି ରିଲାଏନ୍ସ ଫାଉଣ୍ଡେସନର ଚେୟାରପର୍ସନ ନୀତା ଅମ୍ବାନୀ କହିଛନ୍ତି । ଅନ୍ୟପଟେ ଦେଖିବାକୁ ଗଲେ କେରଳକୁ ଆର୍ଥିକ ସହାୟତା ଦେବା କ୍ଷେତ୍ରରେ କୌଣସି ଭାରତୀୟ କମ୍ପାନୀଙ୍କ ଠାରୁ ଅଧିକ ସହାୟତା ପ୍ରଦାନ କରିଛି ରିଲାଏନ୍ସ ଫାଉଣ୍ଡେସନ । ସେହିପରି କେରଳକୁ ଦେଇଥିବା କେତେକ ରାଜ୍ୟର ସହାୟତା ରାଶିଠାରୁ ମଧ୍ୟ ଅମ୍ବାନୀ ପାରିବାରର ସହାୟତା ରାଶି ଅଧିକ ବୋଲି ଜଣାପଡିଛି । ସେପଟେ କେନ୍ଦ୍ର ସରକାର କେରଳକୁ ୫୦୦ କୋଟି ଦେଇଥିବା ବେଳେ ଗୃହମନ୍ତ୍ରୀ ରାଜନାଥ ସିଂ ୧୦୦ କୋଟି ଟଙ୍କା କେରଳକୁ ପ୍ରଦାନ କରିଛନ୍ତି ।
