ଭୁବନେଶ୍ୱର (ଏଟିଆର ବ୍ୟୁରୋ ) ; କଂଗ୍ରେସରେ ଯୋଗଦେଲେ ଶୁଭଶ୍ରୀ ଓରଫ ମିଲି ପଣ୍ଡା । ନକ୍ସଲ ନେତା ସବ୍ୟସାଚୀ ପଣ୍ଡାଙ୍କ ପତ୍ନୀ ମିଲି ପଣ୍ଡା ଗତକାଲି କଂଗ୍ରେସରେ ଯୋଗଦେଇଛନ୍ତି । ନିଜ ସମର୍ଥକଙ୍କ ସହ ଭୁବନେଶ୍ୱର ସ୍ଥିତ ମାଷ୍ଟର କ୍ୟାଣ୍ଟିନ ଛକରୁ ଏକ ବିଶାଳ ରାଲି କରି କଂଗ୍ରେସ ଭବନରେ ପହଞ୍ଚିଥିଲେ ମିଲି । କଂଗ୍ରେସ ଭବନରେ ଉପସ୍ଥିତ ଥିବା ପିସିସି ସଭାପତି ନିରଞ୍ଜନ ପଟ୍ଟନାୟକ ଓ ଓଡିଶା ପ୍ରଭାରୀ ଜିତେନ୍ଦ୍ର ସିଂ ଙ୍କ ଉପସ୍ଥିତି ରେ ମିଲି ପଣ୍ଡା ଦଳରେ ଯୋଗଦାନ କରିଥିଲେ । ସେପଟେ ପୁର୍ବରୁ ମିଲି ପଣ୍ଡା ୨୦୧୪ ନିର୍ବାଚନରେ ଆମ ଓଡିଶା ଦଳ ପକ୍ଷରୁ ବିଧାୟକ ପ୍ରାଥୀ ଭାବେ ଛିଡା ହୋଇଥିଲେ । ତେବେ ବର୍ତ୍ତମାନ ପରିସ୍ଥିତିରେ ଆମ ଓଡିଶା ଦଳର ସିଧାସଳଖ ସମ୍ପୃକ୍ତି ବିଜୁ ଜନତା ଦଳ ସହ ଥିବା ଯୋଗୁ ମିଲି ପଣ୍ଡା କଂଗ୍ରେସ ଯୋଗଦାନ କରିଥିବା ଜଣା ପଡିଛି ।
