ଭୁବନେଶ୍ୱର,(ଏଟିଆର ବ୍ୟୁରୋ): ପୁଣି ମୋବାଇଲ ଲାଗି ଘଟିଲା ଅଘଟଣ । ଚାର୍ଜ ବସାଉଥିବା ବେଳେ ମୋବାଇଲ ବ୍ୟାଟେରୀ ଫାଟି ଜଣେ ନାବାଳକ ଗୁରୁତର ଆହତ ହୋଇଛି । ତା’ର ପାପୁଲିଟି କ୍ଷତାକ୍ତ ହୋଇଥିବା ବେଳେ ହାତର ଗୋଟିଏ ଆଙ୍ଗୁଠି ଛିଡି ଯାଇଥିବା ଜଣାପଡିଛି ।
ଏଭଳି ଏକ ଅଘଟଣ ଘଟିଛି ବରଗଡ଼ ଜିଲ୍ଲା ହାତୀଖୋଜା ଗାଁରେ । ଆହତ ନାବାଳକ ନାଁ ମହେଶ ପ୍ରଧାନ । ସନ୍ଧ୍ୟାରେ ସେ ମୋବାଇଲରେ ଚାର୍ଜ ବସାଉଥିଲା । ଏହି ସମୟରେ ଅଚାନକ ଫୋନଟି ଫାଟିଯାଇଥିଲା । ପରିବାର ଲୋକେ ପ୍ରଥମେ ଗୁରୁତର ଅବସ୍ଥାରେ ମହେଶଙ୍କୁ ବରଗଡ଼ ଓ ପରେ ବୁର୍ଲା ମେଡିକାଲରେ ଭର୍ତ୍ତି କରିଛନ୍ତି ।
