ଭୁବନେଶ୍ୱର (ଏଟିଆର ବ୍ୟୁରୋ ) ; ନରେନ୍ଦ୍ର ମୋଦି ହେଲେ ଦେଶର ସର୍ବ ଶେଷ୍ଠ ପ୍ରଧାନମନ୍ତ୍ରୀ । ଦେଶର ଶ୍ରେଷ୍ଠ ପ୍ରଧାନ ମନ୍ତ୍ରୀ ଭାବେ ନରେନ୍ଦ୍ର ମୋଦିଙ୍କୁ ଲୋକେ ଅଧିକ ପସନ୍ଦ କରିଛନ୍ତି । । ଇଣ୍ଡିଆ ଟୁଡେ ପକ୍ଷରୁ କରାଯାଇଥିବା ସର୍ଭେରୁ ଜଣା ପଡିଛି ଯେ ନରେନ୍ଦ୍ର ମୋଦିଙ୍କୁ ଲୋକେ ଦେଶର ଶେଷ୍ଠ ପ୍ରଧାନମନ୍ତ୍ରୀ ଭାବେ ଅଧିକ ଲୋକେ ପସନ୍ଦ କରିଛନ୍ତି । ଏହି ତାଲିକା ରେ ସବୁଠୁ ଆଗରେ ଅଛନ୍ତି ମୋଦି । ତାଲିକାରେ ମୋଦି ସବା ଆଗରେ ଥିବା ବେଳେ ଇନ୍ଦିରା ଗାନ୍ଧୀ ଦ୍ୱତୀୟ ସ୍ଥାନରେ ଅଛନ୍ତି । ଏହି ତାଲିକା ରେ ଇନ୍ଦିରାଙ୍କୁ ପଛରେ ପକାଇଦେଇଛନ୍ତି ମୋଦି । ତୃତୀୟ ସ୍ଥାନରେ ଅଟଳ ବିହାରୀ ବାଜପେୟୀ ଥିବା ବେଳେ ଜବାହର ଲାଲ ନେହେରୁ ବାଜପେୟୀଙ୍କ ଠିକ ପଛକୁ ଚତୁର୍ଥ ସ୍ଥାନରେ ଅଛନ୍ତି ।
ସେହିପରି ସର୍ଭେରେ ଅଂଶଗ୍ରହଣ କାରୀ ଲୋକମାନଙ୍କ ମଧ୍ୟରେ ୨୬ ପ୍ରତିଶତ ଲୋକେ ନରେନ୍ଦ୍ର ମୋଦିଙ୍କୁ ସମର୍ଥନ କରିଥିବା ବେଳେ ଇନ୍ଦିରା ଗାନ୍ଧୀଙ୍କୁ ୨୦ ପ୍ରତିଶତ ଲୋକେ ଭୋଟ ଦେଇଛନ୍ତି । ଅନ୍ୟ ମାନଙ୍କ ମଧ୍ୟରେ ବାଜପେୟୀଙ୍କୁ ୧୨ ପ୍ରତିଶତ ଲୋକେ ଶ୍ରେଷ୍ଠ ପ୍ରଧାନମନ୍ତ୍ରୀ ଭାବେ ପସନ୍ଦ କରିଥିବା ବେଳେ ନେହେରୁଙ୍କୁ ୧୦ ପ୍ରତିଶତ ଲୋକେ ସମର୍ଥନ ଦେଇଛନ୍ତି ।
ତେବେ ହିନ୍ଦୁ ଭୋଟର ମାନଙ୍କ ମଧ୍ୟରେ ମୋଦି ଶେଷ୍ଠ ପଧାନମନ୍ତ୍ରୀ ଭାବେ ଗଣାଯାଇଛନ୍ତି । ୨୮ ପ୍ରତିଶତ ହିନ୍ଦୁ ଭୋଟର ନରେନ୍ଦ୍ର ମୋଦିଙ୍କୁ ସର୍ବଶ୍ରେଷ୍ଠ ପ୍ରଧାନମନ୍ତ୍ରୀ ବୋଲି କହୁଥିବା ବେଳେ ୧୧ ପ୍ରତିଶତ ମୁସ୍ଲିମ୍ ଭୋଟର ମଧ୍ୟ ନରେନ୍ଦ୍ର ମୋଦିଙ୍କୁ ଶ୍ରେଷ୍ଠ ପ୍ରଧାନମନ୍ତ୍ରୀ ବୋଲି କହିଛନ୍ତି । ସେପଟେ ପୁର୍ବ ଭାରତ ଏବଂ ଉତ୍ତର ଭାରତର ଲୋକମାନେ ମୋଦିଙ୍କୁ ଅଧିକ ପସନ୍ଦ କରୁଥିବା ସର୍ଭେ ରିପୋର୍ଟରୁ ଜଣାପଡିଛି ।
