ଭୁବନେଶ୍ୱର (ଏଟିଆର ବ୍ୟୁରୋ ) ; ଓଡିଶାର ପ୍ରତ୍ୟେକ ବ୍ଲକରେ ବୁଲିବ ଓଡିଶା କଂଗ୍ରେସ ଏକ୍ସପ୍ରେସ । ଆଜି ଠାରୁ ଆରମ୍ଭ ହେଉଛି ଏହି ଯାତ୍ରା । ବସ ମାଧ୍ୟମରେ ପ୍ରତି ଗାଁ ଗାଁ ବୁଲିବେ ନେତା । ତେବେ ନିର୍ବାଚନ ପୂର୍ବରୁ କଂଗ୍ରେସ ସମସ୍ତ ଲୋକଙ୍କ ପାଖରେ ଏପରି କାର୍ଯ୍ୟକ୍ରମ ମାଧ୍ୟମରେ ପହଞ୍ଚିବାକୁ ଯୋଜନା କରିଛି । ଏଥିପାଇଁ ଓଡିଶାର ୩୦ ଟି ଜିଲ୍ଲାରେ ୧୪ ଜଣ ଉପ ସଭାପତି ଓ ୨୪ ଜଣ ସାଧାରଣ ସମ୍ପାଦକଙ୍କୁ ନିୟୋଜିତ କରିଛି କଂଗ୍ରେସ ।
ସେପଟେ ରୁଟ ଚାଟ ଏକଦମ ପ୍ରସ୍ତୁତ ରଖିଛି କଂଗ୍ରେସ । ମୋଟ ୩୧୪ ଟି ବ୍ଲକର ୩୬୦୦୦ ବୁଥକୁ ପରିଭ୍ରମଣ କରିବ କଂଗ୍ରେସ ଏକ୍ସପ୍ରେସ ।ପ୍ରତ୍ୟେକ ଜିଲ୍ଲାରେ ଥିବା ଉପ ସଭାପତି ମାନଙ୍କୁ ପାଖାପାଖି ୧୦ ହଜାର ଲୋକମାନଙ୍କୁ ଏକତ୍ରିତ କରିବାକୁ ଟାଗ୍ରେର୍ଟ ଦେଇଛି ପ୍ରଦେଶ କଂଗ୍ରେସ । ପ୍ରଥମେ ବାଲେଶ୍ୱର ଜିଲ୍ଲାରେ ଏହି ବସ ଚାଲିବ ବୋଲି ଜଣାପଡିଛି । ଏହି କାର୍ଯ୍ୟକ୍ରମ ମାଧ୍ୟମରେ ସାଧାରଣ ଲୋକମାନଙ୍କ ପାଖରେ ଦଳର କାର୍ଯ୍ୟକାରିତା ସମ୍ପର୍କରେ ପ୍ରଚାର ପ୍ରସାର ହେବ । ଏଥିସହ ମୋ ବୁଥ ମୋ ଗୌରବ ଓ ପ୍ରୋଜେକ୍ଟ ଶକ୍ତି କାର୍ଯ୍ୟକ୍ରମ ଆରମ୍ଭ କରିବ କଂଗ୍ରେସ ।
