ଭୁବନେଶ୍ୱର (ଏଟିଆର ବ୍ୟୁରୋ ) ; ଦିଲ୍ଲୀରୁ ଫେରିଲେ ପପୁ ପମ ପମ । ଦିଲ୍ଲୀ ସ୍ଥିତ ଏମ୍ସରେ ନିଜ ରୁଟିନ ଚେକ ଅପ ସାରି ଓଡିଶା ଫେରିଛନ୍ତି ତତ୍ୱ ପ୍ରକାଶ ସତପଥୀ ଓରଫ ପପୁ ପମ ପମ । ଦିଲ୍ଲୀରୁ ଫେରି ଆଜି ସୋସିଆଲ ମିଡିଆରେ ପପୁ ଜାରି କାରିଛନ୍ତି ଏକ ଭିଡିଓ । ଭିଡିଓରେ କହିଛନ୍ତି ଯେ ସେ ନିଜ ରୁଟିନ ଚେକ ଅପ ଲାଗି ଦିଲ୍ଲୀ ଯାଇଥିଲେ , ତାଙ୍କର ସ୍ୱାସ୍ଥ୍ୟବସ୍ତା ଏବେ ଭଲ ଥିବା ପପୁ ଜାରି କରିଥିବା ନିଜ ଭିଡିଓରେ ଜଣାଇଛନ୍ତି ।
ସେ ସୋସିଆଲ ମିଡିଆରେ ନିଜ ମୃତ୍ୟୁର ଗୁଜବ ପ୍ରଚାରକୁ ନିନ୍ଦା କରିଛନ୍ତି । ସେ ବଞ୍ଚି ଥାଉ ଥାଉ ତାଙ୍କ ମରିବା ନେଇ କାହିଁକି ଗୁଜବ ଉଠାଯାଉଛି ବୋଲି ସେ ପ୍ରଶ୍ନ କରିଛନ୍ତି । ତାଙ୍କ ମରିବା ଖବର ପ୍ରଚାର କରି ତାଙ୍କ ଆୟୁଷ ବଢାଉଥିବା ଲୋକ ମାନଙ୍କୁ ସେ ଧନ୍ୟବାଦ ମଧ୍ୟ ଦେଇଛନ୍ତି । ତାଙ୍କ ମରିବା ଖବର ଯେତେ ପ୍ରଚାର ହେବ ତାଙ୍କ ଆୟୁଷ ସେତେ ବଢୁଥିବ ବୋଲି ପପୁ କହିଛନ୍ତି । ସେ ଏଭଳି ମିଛ ଖବର ଠାରୁ ଦୁରେଇ ରହିବା ପାଇଁ ନିଜ ପ୍ରଶଂସକଙ୍କୁ ନିଜ ଭିଡିଓରେ କହିଛନ୍ତି । ଖାଲି ସେତିକି ନୁହେଁ ସେ ରୁଟିନ ଚେକ ଅପ ପାଈଁ ଦିଲ୍ଲୀ ଯିବା କଥା କଣ ସୋସିଆଲ ମିଡିଆ କିମ୍ବା ଗଣମାଧ୍ୟମ ରେ ଜଣାଇବା ଆବଶ୍ୟକ ବୋଲି ପ୍ରଶ୍ନ କରିଛନ୍ତି । ଶେଷରେ ନିଜ ସ୍ୱାସ୍ଥ୍ୟବସ୍ତା ଭଲ ଥିବା ନେଇ ନିଜ ପ୍ରଶଂସକଙ୍କୁ ଜଣାଇ ଅତିଶୀଘ୍ର ଚଳଚିତ୍ର ଆରମ୍ଭ କରିବେ ବୋଲି କହିଛନ୍ତି ।
