ପୁରୀ (ଏଟିଆର ବ୍ୟୁରୋ ) ; ଚିଲିକା ଉପରେ ଉଡିଛି କି ବୈଜୟନ୍ତଙ୍କ ହେଲିକପ୍ଟର ? ସେ ନେଇ ସନ୍ଦେହରେ ପୁରୀ ପୋଲିସ । ଚିଲିକା ଉପରେ ପୂର୍ବତନ ସାଂସଦଙ୍କ ହେଲିକପ୍ଟର ଉଡିଥିବାର କୌଣସି ତଥ୍ୟ ଏୟାରପୋର୍ଟ କର୍ତ୍ତୃପକ୍ଷ କିମ୍ବା ଡିଜିସିଏଙ୍କ ପକ୍ଷରୁ ପାଇନଥିବା ପୁରୀ ଏସପି ଡ.ସାର୍ଥକ ସଡଙ୍ଗୀ କହିଛନ୍ତି । ଗତକାଲି ବିଳମ୍ବିତ ରାତ୍ରୀରେ ଏକ ପ୍ରେସମିଟ ଡକାଇ ଏପରି ସୂଚନା ଦେଇଛନ୍ତି ଖୋଦ ପୁରୀ ଏସପି । ଚିଲିକା ଉପରେ ‘ସି ପ୍ଲେନ୍’ ଉଡ଼ାଣ ମାମଲାରେ ପୂର୍ବତନ ସାଂସଦ ବୈଜୟନ୍ତ ପଣ୍ଡାଙ୍କ ହେଲିକପ୍ଟର ଓ ହ୍ୟାଙ୍ଗରକୁ ପୁଲିସ୍ ସନ୍ଦେହରେ ସିଜ୍ କରିଛି। ସିଡିଏ କର୍ତ୍ତୃପକ୍ଷଙ୍କ ଏତଲାକୁ ଭିତ୍ତି କରି ହେଲିକପ୍ଟର ଓ ହ୍ୟାଙ୍ଗର ସିଜ୍ କରାଯାଇଛି ବୋଲି ଶ୍ରୀ ସଡଙ୍ଗୀ କହିଛନ୍ତି ।
ସେପଟେ ଏୟାରପୋର୍ଟ କର୍ତ୍ତୃପକ୍ଷଙ୍କ ଠାରୁ ଅନୁମତି ନେଇ ବୈଜୟନ୍ତଙ୍କ ହେଲିକପ୍ଟର ଉଡାଣ ଭରିଥିବା ପୁରୀ ଏସପି ପ୍ରେସମିଟରେ କହିଛନ୍ତି । ତେବେ ଏ ସମ୍ପର୍କରେ ଅଧିକ ତଥ୍ୟ ହାସଲ ପାଇଁ ଏଭିଏସନ କର୍ତ୍ତୃପକ୍ଷଙ୍କୁ ଡକାଯାଇଥିବା ସେ କହିଛନ୍ତି । ଏବେ ତଦନ୍ତ ଚାଲୁରହିଛି ଅତିଶିଘ୍ର ସତ୍ୟ ପଦାକୁ ଅସିବା ସହ ସବୁ ସ୍ପଷ୍ଟ ହୋଇଯିବ ବୋଲି ପୁରୀ ଏସପି ଡ.ସଡଙ୍ଗୀ କହିଛନ୍ତି ।
