କଳାହାଣ୍ଡି (ଏଟିଆର ବ୍ୟୁରୋ ) ; ବୃଦ୍ଧଙ୍କ ଉପରେ ମାଡିଗଲା ଟ୍ରକ । ଚାଲିଗଲା ଗୋଟିଏ ନିରୀହ ଜିବନ । ଏଭଳି ଅଭାବନୀୟ ଘଟଣା ଘଟିଛି କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ କୁଶୁଲା ପେଟ୍ରୋଲ ପମ୍ପ ନିକଟରେ । ଆଜି ସକାଳ ୧୦ଟା ସମୟରେ ୫୯ ନଂ ଜାତୀୟ ରାଜପଥ ଦେଇ ସ୍ଥାନୀୟ ପିପୋଲ ଗ୍ରାମର ମାନଧାତା ସାହୁ ନିଜ ସମୁଦି ଘରକୁ ଯାଉଥିବା ସମୟରେ ତାଙ୍କ ଉପରକୁ ଏକ ଟ୍ରକ ମାଡି ଯାଇଥିଲା । ଫଳରେ ମାନଧାତାଙ୍କ ମୃତ୍ୟୁ ହୋଇଛି । ଘଟଣା ସ୍ଥଳରୁ ଟ୍ରକ ଡ୍ରାଇଭର ଫେରାର ହୋଇଯାଇଥିବାର ସୁଚନା ମିଳିଛି । ତେବେ ଦୁର୍ଘଟଣା ଘଟାଇଥିବା ଟ୍ରକ ଟି ଏଆରଏସଏସ ଠିକା କମ୍ପାନୀ ର ବୋଲି ଜଣା ପଡିଛି । ସେପଟେ ଦୁର୍ଘଟଣା କୁ ନେଇ ସ୍ଥାନୀୟ ଆଞ୍ଚଳରେ ଉତ୍ତେଜନା ସହ ଲୋକମାନେ ଟ୍ୟାୟାର ଜାଳି ଅସନ୍ତୋଷ ବ୍ୟକ୍ତ କରିଛନ୍ତି । ତେବେ ଘଟଣାସ୍ଥଳେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛିି ।
