ଭୁବନେଶ୍ୱର,(ଏଟିଆର ବ୍ୟୁରୋ): ପିପିଲି ମଙ୍ଗଳପୂର ପାଖରେ ଏକ ସାଙ୍ଘାତିକ ଦୁର୍ଘଟଣା ଘଟିଛି । ଏକ ଟ୍ରକକୁ ପଛପଟୁ ଧକ୍କା ଦେଇଛି ହାଇୱା । ଘଟଣାରେ ହାଇୱା ଡ୍ରାଇଭରଙ୍କ ମୃତ୍ୟୁ ହୋଇଥିବା ବେଳେ ଟ୍ରକ ଡ୍ରାଇଭର ବି ଗୁରୁତର ଆହତ ହୋଇଛି । ଅଗ୍ନିଶମ ବିଭାଗ ପହଁଚି ଆହତ ଡ୍ରାଇଭରଙ୍କୁ ଉଦ୍ଧାର କରି ଚିକିତ୍ସା ଲାଗି ହସପିଟାଲ ପଠାଇଛି ।
ରିପୋର୍ଟ ଅନୁସାରେ, ଭୋର ସାଢ଼େ ୪ଟାରେ ଏହି ଦୁର୍ଘଟଣା ଘଟିଛି । ଏହା ଏତେ ଭୟଙ୍କର ଥିଲା ଯେ, ହାଇୱାକୁ କଟର ଦ୍ୱାରା କଟାଯାଇ ମୃତଦେହ ଗାଡି ଭିତରୁ କଢ଼ାଯାଇଥିଲା । ଏହି ଘଟଣାକୁ ନେଇ ବେଶ କିଛି ସମୟ ରାସ୍ତା ଜାମ ରହିଥିଲା । ନିଦ କାରଣରୁ ହାଇୱା ଡ୍ରାଇଭର ଏହି ଦୁର୍ଘଟଣା ଘଟାଇଥିବା କୁହାଯାଉଛି ।
