ଭୁବନେଶ୍ୱର,(ଏଟିଆର ବ୍ୟୁରୋ): ସାପ ପାଇଁ ଅଟକିଲା ବିମାନ । ହୋଇପାରିଲାନି ପାର୍କିଂ । ଶୁଣିବାକୁ ଅଜବ ଲାଗୁଥିଲେ ବି ଏଭଳି ଘଟଣା ଘଟିଛି ଭୁବନେଶ୍ୱର ବିମାନବନ୍ଦରରେ । ଏକ ନାଗ ସାପ ଲାଗି ୭ମିନିଟ କାଳ ବିମାନ ପାର୍କିଂ ହୋଇପାରିନଥିଲା ।
ମିଳିଥିବା ରିପୋର୍ଟ ଅନୁସାରେ, ଦିଲ୍ଲୀରୁ ଆସିଥିବା ଭିସ୍ତାରା ବିମାନ ଭୁବନେଶ୍ୱର ବିମାନ ବନ୍ଦରରେ ପହଞ୍ଚିବା ପରେ ପାର୍କିଂ କରିବା ଲାଗି ଯାଉଥିଲା । ଏହି ସମୟରେ ରନୱେରେ ଏକ ନାଗସାପ ବୁଲୁଥିବା ଦେଖିବାକୁ ମିଳିଥିଲା । ପରେ କର୍ମଚାରୀମାନେ ପହଞ୍ଚି ସାପଟିକୁ ଉଦ୍ଧାର କରିବା ପରେ ବିମାନଟି ପାର୍କିଂ ହୋଇଥିଲା । ସେତେବେଳକୁ ପ୍ରାୟ ୭ମିନିଟ ହୋଇଯାଇଥିଲା ।
