ଭୁବନେଶ୍ୱର,(ଏଟିଆର ବ୍ୟୁରୋ) : ମଞ୍ଚେଶ୍ୱର ଥାନା କୁଆଖାଇ ନଦୀରେ ଛାତ୍ର ନିଖୋଜ । ଗାଧୋଇବାକୁ ଯାଇଥିବା ବେଳେ ଦୁଇଜଣ ଛାତ୍ର ପାଣିରେ ବୁଡି ଯାଇଥିବା ସୂଚନା ମିଳିଛି । ସେମାନଙ୍କ ମଧ୍ୟରୁ ଜଣେ ଛାତ୍ରଙ୍କୁ ଅଗ୍ନିଶମ ବିଭାଗ ଉଦ୍ଧାର କରିଥିବା ବେଳେ ଏଯାବତ୍ ଆଉ ଜଣଙ୍କର ପତ୍ତା ମିଳିନାହିଁ । ନିଖୋଜ ଛାତ୍ର ୟୁନିଟ ୯ ସ୍ଥିତ ବାଳକ ହାଇସ୍କୁଲର ନବମ ଶ୍ରେଣୀ ଛାତ୍ର ବୋଲି ଜଣାପଡିଛି ।
ସେପଟେ ଛାତ୍ରଙ୍କୁ ଉଦ୍ଧାର କରିବା ନେଇ ପ୍ରାୟ ୩୦ଜଣ ଅଗ୍ନିଶମ କର୍ମଚାରୀ ଉଦ୍ୟମ ଜାରି ରଖିଛନ୍ତି । ରିପୋର୍ଟ ଅନୁସାରେ, ୨ଜଣ ଛାତ୍ର ତାଙ୍କର ଆଉ ୪ଜଣ ବନ୍ଧୁଙ୍କ ସହ ନଦୀକୁ ଆସିଥିଲେ । ତେବେ ଗାଧେଇବା ସମୟରେ ୨ଜଣ ପାଣିରେ ବୁଡି ଯାଇଥିଲେ । ଏନେଇ ସୂଚନା ମିଳିବା ପରେ ଅଗ୍ନିଶମ ବିଭାଗ ପହଞ୍ଚି ଛାତ୍ରଙ୍କୁ ଉଦ୍ଧାର କରିବା ନେଇ ଚେଷ୍ଟା ଜାରି ରଖିଛି ।
