ଭୁବନେଶ୍ୱର,(ଏଟିଆର ବ୍ୟୁରୋ):
ଯାହା ଅନେକଙ୍କ ଜୀବନରେ ଆସିଥାଏ । ଜାଣି ହୁଏ ନାହିଁ ସାଥୀରେ ଚାଲୁଥିବା ନିଜର କେହି କେଉଁଠି ଓ କେତେବେଳେ ହାତ ଛାଡି ଦିଏ । ଏକା ହୋଇଯାଏ ପ୍ରେମିକ । ଭିତରୁ ବିଲକୁଲ ଭାଙ୍ଗିପଡେ । ଆଉ ତା’ପରେ ସେ ତା’ର ସାଥୀକୁ ଟିକେ ଦେଖିବା ଲାଗି ଆଉ ତା’ ବିଷୟରେ ଜାଣିବା ଲାଗି ହୋଇପଡେ ଡହଳ ବିକଳ । ଏମିତି କିଛି ସାରାଂଶକୁ ନେଇ ତିଆରି ହୋଇଛି ଏକ ଭିଡ଼ିଓ ‘ତୋ କଥା’ ।
ଏଟିଆର ମ୍ୟୁଜିକ ବ୍ୟାନରେ ରିଲିଜ ହୋଇଛି ଏକ ମ୍ୟୁଜିକ ଭିଡ଼ିଓ । ଯାହାର ନାଁ ରହିଛି ‘ତୋ କଥା’ । ଏକ ନିଆରା ପ୍ରେମ କାହାଣୀକୁ ନେଇ ରିଲିଜ ହୋଇଥିବା ଏହି ଭିଡ଼ିଓଟି ହେଉଛି ଏକ ଅଧାଗଢ଼ା ପ୍ରେମ କାହାଣୀ ।
ଦୁହେଁ ଦୁହିଁକୁ ବେଶ ଭଲ ପାଉଥିଲେ । ବେଶ ଆନନ୍ଦରେ କଟୁଥିଲା ସେମାନଙ୍କ ଜୀବନ । ରାତି ହେଉ କି’ ଦିନ କେହି କାହାକୁ ଗୋଟିଏ ମୁହୁର୍ତ ବି ଛାଡି ପାରୁନଥିଲେ । ହେଲେ ଅଚାନକ ସେମାନଙ୍କ ଜୀବନରେ ଆସିଲା ଝଡ଼ । ଦୁହେଁ ଅଲଗା ହୋଇଗଲେ । ପ୍ରେମିକା କୁଆଡେ ଗଲା କିଛି ବି ଜାଣିପାରିଲାନି ପ୍ରେମିକ । ବାସ ଏହାପରେ ପ୍ରେମିକର ଜୀବନ କେମିତି କଟୁଛି ତାହା ସେ ଗୀତ ଜରିଆରେ ପ୍ରକାଶ କରିଛି ।
ତେବେ ପୂରା ଭିଡ଼ିଓକୁ ଦେଖିଲେ ଏହା ଆଜିକାର ଯୁବଗୋଷ୍ଠୀଙ୍କୁ ବେଶ ଆକୃଷ୍ଟ କରିବ ବୋଲି ଆଶା କରିଛନ୍ତି ପ୍ରଯୋଜକ । ଏଥିରେ ଅଭିନୟ କରିଛନ୍ତି ସୁପ୍ରୟ ମେହେର ଓ ପୁର୍ଭି ପ୍ରିୟଙ୍କା । କଣ୍ଠଦାନ କରିଛନ୍ତି ସବିଶେଷ ମିଶ୍ର ଓ ନିର୍ଦ୍ଦେଶନା ଦେଇଛନ୍ତି ଆଶୁତୋଷ ସାହୁ ।
