ହ୍ୟୁମାନ୍ ରୋଭର ପ୍ରସ୍ତୁତି ପାଇଁ ନାସା ଯିବେ ଓଡ଼ିଶାର ଛାତ୍ର

ଭୁବନେଶ୍ୱର (ଏଟିଆର ବ୍ୟୁରୋ):ଭାରତ ପାଇଁ ହ୍ୟୁମାନ୍ ରୋଭର ଚ୍ୟାଲେଂଜରେ ଯୋଗ ଦେବେ ଓଡ଼ିଶାର ଏକ ଟିମ୍ । ପ୍ରଥମ ଥର ପାଇଁ ସ୍କୁଲ ପିଲାଙ୍କୁ ନେଇ ଏକ ଟିମ ବଛାଯାଇଛି ।୮ଶହ ଛାତ୍ରଛାତ୍ରୀ ମାନଙ୍କ ମଧ୍ୟରୁ ଓଡ଼ିଶାର ୧୦ ଜଣ ପିଲାଙ୍କୁ ନେଇ ଏହି ଟିମ୍ ଗଠନ କରାଯାଇଛି । ଛାତ୍ରଛାତ୍ରୀମାନେ ଏଭଳି ଏକ ହ୍ୟୁମାନ ରୋଭର ତିଆର କରିବେ ଯାହା ମଙ୍ଗଳ ପୃଷ୍ଠରେ ଚାଲିପାରିବ ।ସ୍କୁଲ ପିଲାଙ୍କ ସମେତ ଆଇଆଇଟି ଛାତ୍ରଛାତ୍ରୀମାନେ ମଧ୍ୟ ଯୋଗ ଦେବେ ।ଏ ନେଇ ଛାତ୍ରଛାତ୍ରୀମାନଙ୍କ ରେ ବେଶ ଉତ୍ସାହ ଦେଖାଦେଇଛି । ଏପ୍ରିଲ ମାସରେ ଏହି ପ୍ରତିଯୋଗିତା ହେବ । ରୋଭର ପ୍ରସ୍ତୁତି ୪ ରୁ ୫ ମାସ ମଧ୍ୟରେ ଶେଷ କରିବେ ବୋଲି ଛାତ୍ରଛାତ୍ରୀମାନ ଲକ୍ଷ୍ୟ ରଖିଛନ୍ତି । ବିଶ୍ୱର ବିଭିନ୍ନ ସ୍ଥାନରୁ ଅନେକ ଟିମ ଆସି ଏହି ପ୍ରତିଯୋଗିତା କରିବ ।