ବ୍ରଜରାଜନଗର (ଏଟିଆର ବ୍ୟୁରୋ); ବୁଧବାର ୧୨ ଘଣ୍ଟା ବନ୍ଦ ରହିବ ବ୍ରଜରାଜ ନଗର । ଏହି ବନ୍ଦ ଡାକରା ଦେଇଛି ବ୍ରଜରାଜନଗର ଏବଂ ବେଲପାହାଡ ନାଗରିକ କମିଟି । ବ୍ରଜରାଜନଗରରେ କ୍ୟାନସର ହସ୍ପିଟାଲ ପ୍ରତିବାଦରେ ୧୨ ଘଣ୍ଟିଆ ବନ୍ଦ ଡାକରା ଦିଆ ଯାଇଛି । ୪୯ ନମ୍ବର ଜାତୀୟ ରାଜପଥ ବନ୍ଦ ରହିଛି । ଫଳରେ ଜନସାଧାରଣ ବହୁ ଅସୁବିଧାର ସମୁଖୀନ ହେଉଛନ୍ତି । ସେପଟେ ଅଞ୍ଚଳର ସମସ୍ତ ସରକାରୀ ଏବଂ ବେସରକାରୀ ସଂସ୍ଥା ବନ୍ଦ ରହିଛି । ଦୋକନ ବଜାର ଠାରୁ ଆରମ୍ଭ କରି ଗାଡି ମଟର ସବୁ ବନ୍ଦ ରହିଛି । ଲୋକମାନେ ବହୁତ ଅସୁବିଧା ଭୋଗୁଥିବା ଦେଖିବାକୁ ମିଳିଛି ।
ଗୁରୁବାର ମୁଖ୍ୟମନ୍ତ୍ରୀ ଝାରସୁଗୁଡା ଗସ୍ତ କରିବେ । ସେଠାରେ କ୍ୟାନସର ହସ୍ପିଟାଲର ଶିଳାନ୍ୟାସ କରିବେ ନବୀନ । ତେବେ ବ୍ରଜରାଜନଗରରେ ଏହି କ୍ୟାନସର ହସ୍ପିଟାଲ କରାଯାଉ ବୋଲି ଉଭୟ ନାଗରିକ କମିଟି ଚାହୁଁଛନ୍ତି । ଏଣୁ ମୁଖ୍ୟମନ୍ତ୍ରୀ ଆସିବା ପୂର୍ବରୁ ବନ୍ଦ ଡାକରା ଦେଇଛନ୍ତି । ଏହି ବନ୍ଦ ପାଇଁ ସାଧାରଣ ଲୋକ ବହୁତ ଅସୁବିଧାର ସମୁଖୀନ ହୋଇଛନ୍ତି । ଯାତାୟତ ଠାରୁ ସମାଗ୍ରୀ କିଣା ପର୍ଯ୍ୟନ୍ତ ସବୁ ଠପ ରହିଛି ।
