ଭୁବନେଶ୍ୱର (ଏଟିଆର ବ୍ୟୁରୋ); ଓଡିଆ ମାନଙ୍କ ରଜ ହେଉଛି ଏକ ବଡ ପର୍ବ । ରଜରେ ପାନ,ପିଠା ଖାଇବା,ଦୋଳି ଖେଳିବା ସାଙ୍ଗକୁ ଫିଲ୍ମ ଦେଖିବାର ମଜା ନିଆରା । ଏଣୁ ସବୁ ବର୍ଷ ରଜରେ ନୂଆ ନୂଆ ଓଡିଆ ଫିଲ୍ମ ବଜାରକୁ ଆସିଥାଏ । ତେବେ ଏଥରକ ଦର୍ଶକଙ୍କ ମନମୋହିବା ପାଇଁ ୩ଟି ଫିଲ୍ମ ଆସୁଛି । ଏହି ତିିନୋଟି ଫିଲ୍ମ ରଜରେ ମଉଜ କରେଇବ ଓଡିଆ ସିନେ ପ୍ରେମୀଙ୍କୁ । ତେବେ ଆସନ୍ତୁ ଜାଣିବା କେଉଁ କେଉଁ ଫିଲ୍ମ ଆସୁଛି ରଜ ବଜାରକୁ ।
ଗୋଲମାଲ ଲଭ-ତରଙ୍ଗ ସିନେ ପ୍ରଡକ୍ସନରେ ବାବୁସାନ ଏବଂ ତମନାଙ୍କ ଅଭିନୀତ ଏହି ଫିଲ୍ମଟି ଦର୍ଶକଙ୍କ ଫୁଲ ମନମୋହିବ ବୋଲି ଆଶା କରାଯାଉଛି । ଷ୍ଟାଇଲିସ ଡାଇରେକଟର ଅଶୋକ ପତି ଏହି ଫିଲ୍ମର ନିର୍ଦ୍ଦେଶନା ଭାର ସମ୍ଭାଳିଛନ୍ତି । ପିଲ୍ମର ଗୀତ ଗୁଡିକୁ ସଙ୍ଗୀତରେ ସଜାଇଛନ୍ତି ଅଭିଜିତ ମଜୁମଦାର । ପୂର୍ବରୁ ଏହି ଟିମ ଅନେକ ଫିଲ୍ମରେ କାମ କରି ସଫଳତା ଅର୍ଜନ କରିଛନ୍ତି ।
ଚିରକୁଟ-ଓଡିଆ ହାସ୍ୟ ଅଭିନେତା ପପୁ ପମପମଙ୍କ ପ୍ରଥମ ନିର୍ଦ୍ଦେଶନାରେ ଆସୁଛି ‘ଚିରକୁଟ’ । ନୂଆ ନାୟକ ନାୟିକାଙ୍କୁ ନେଇ ଏହି ଫିଲ୍ମଟି ରଜ ବଜାରରେ ରାଜ କରିବା ପାଇଁ ଆସୁଛି ।
ତୁ ମୋ ଲଭ ଷ୍ଟୋରୀ ୨- ଭୂମିକା ଏବଂ ସ୍ୱରାଜଙ୍କ ଅଭିନୀତ ଏହି ଫିଲ୍ମଟି ତରଙ୍ଗ ସିନେ ପ୍ରଡକ୍ସନରେ ରିଲିଜ ହେବାକୁ ଯାଉଛି । ତୁ ମୋ ଲଭ ଷ୍ଟୋରୀ ପ୍ରଥମଟି ବେଶ ହିଟ ହୋଇଥିଲା । ଏହି ଫିଲ୍ମଟି ପୁଣିଥରେ ଦର୍ଶକଙ୍କ ମନ ମୋହିବ ବୋଲି ଆଶା ରଖିଛି ପ୍ରଜୋଜନା ସଂସ୍ଥା । ଏହି ଫିଲ୍ମର ସଙ୍ଗୀତ ନିଦ୍ଦେର୍ଶନା ଦାୟିତ୍ୱରେ ଅଛନ୍ତି ପ୍ରେମାନନ୍ଦ ।
