ଭୁବନେଶ୍ୱର(ଏଟିଆର ବ୍ୟୁରୋ): ରାଜଧାନୀ ଭୁବନେଶ୍ୱର ରେଳ ଷ୍ଟେସନରୁ କରୋନା ସଂକ୍ରମଣ ଚିହ୍ନଟ । ଆଜି ସକାଳେ ୩ ଜଣ ଯାତ୍ରୀ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଚିନ୍ତା ବଢାଉଛି ବାହାର ରାଜ୍ୟ ଫେରନ୍ତାଙ୍କ କେସ୍ । ଚିହ୍ନଟ ହୋଇଥିବା ସମସ୍ତ ଆକ୍ରାନ୍ତ ବେଙ୍ଗାଲୁରୁ ଫେରନ୍ତା ବୋଲି ଜଣାପଡିଛି ।
ଗତ ୩ ଦିନ ମଧ୍ୟରେ ଭୁବନେଶ୍ୱର ରେଳଷ୍ଟେସନରୁ ଚିହ୍ନଟ ହେଲେଣି ମୋଟ ୯ଜଣ ସଂକ୍ରମିତ । ପଜିଟିଭ ବାହାରିବା ପରେ ଷ୍ଟେସନକୁ ସାନିଟାଇଜ ଉପରେ ଗୁରୁତ୍ୱ ଦିଆଯାଇଛି । ପଜିଟିଭ ଚିହ୍ନଟ ହୋଇଥିବା ସମସ୍ତ ଯାତ୍ରୀଙ୍କୁ କୋଭିଡ ହସ୍ପିଟାଲରେ ଭର୍ତ୍ତି କରାଯଇଛି ।
ସେହିଭଳି ଯାତ୍ରୀଙ୍କ ୱେଟିଂ ହଲରୁ ସୋଫା ଓ ଚେୟାର ବାହାର କରିବ ବିଭାଗ । ମାସ୍କ ପରିଧାନକୁ ବାଧ୍ୟତାମୂଳକ କରାଯାଇଛି । ସୂଚନା ଦେଇଛନ୍ତି ଷ୍ଟେସନ ନିର୍ଦେଶକ ଚିତ୍ତରଞ୍ଜନ ନାୟକ ।ବିମାନ ବନ୍ଦରରୁ ସମସ୍ତ ଯାତ୍ରୀ ମହାରାଷ୍ଟ୍ର ମୁମ୍ବାଇ ଓ ପୁଣେରୁ ଫେରିଛନ୍ତି ।
