ପାରାଦୀପ(ଏଟଆର ବ୍ୟୁରୋ):ଟ୍ରକ ଉପରେ ଛିଡି ପଡିଲା ୩୩ କେଭିର ବିଦ୍ୟୁତ୍ ତାର । ପାରାଦୀପର କାଠଗଡା ନିକଟରେ ଘଟିଛି ଏହି ଅଭାବନୀୟ ଘଟଣା । ଗତକାଲି ରାତିରେ ରାସ୍ତା କଡରେ ଠିଆ ହୋଇଥିବା ଏକ ଟ୍ରକ ଭିତରେ ଡ୍ରାଇଭର ଓ ହେଲପର ଶୋଇଥିବା ବେଳେ ହଠାତ ଏକ ଶବ୍ଦ ହେବାରୁ ସେ ଦୁହେଁ ବାହାରକୁ ଚାଲି ଆସିଥିଲେ । ସେମାନେ ବାହାରକୁ ଆସି ଦେଖନ୍ତି ତ ଏକ ୩୩ କେଭିର ବିଦ୍ୟୁତ ତାର ଛିଡିକରି ତାଙ୍କ ଟ୍ରକ ଉପରେ ପଡିଛି । ଦୁଇଜଣ ଟ୍ରକ ବାହକୁ ଚାଲି ଆସିଥିବାରୁ ସେମାନେ ଅଳ୍ପକେ ବର୍ତ୍ତି ଯାଇଥିଲେ । ଘଟଣାସ୍ଥଳରେ ବିଦ୍ୟୁତ୍ କର୍ମଚାରୀମାନେ ପହଞ୍ଚି ବିଦ୍ୟୁତ୍ ସଂଯୋଗ ବନ୍ଦ କରିବା ସହ ବିଦ୍ୟୁତ୍ ତାରକୁ ଗାଡିରୁ ସୁରକ୍ଷିତ ଭାବେ କାଢିଥିଲେ ।
