ଭୁବନେଶ୍ୱର(ଏଟିଆର ବ୍ୟୁରୋ) : ରାଜ୍ୟରେ ଏବେ ପ୍ରତିଦିନ ଚିହ୍ନଟ ହେଉଥିବା କରୋନା ଆକ୍ରାନ୍ତଙ୍କ ସଂଖ୍ୟା କମିବାରେ ଲାଗିଛି । ଗତ ୨୪ ଘଣ୍ଟା ମଧ୍ୟ ରେ ୩୯୩ କରୋନା ପଜିଟିଭ ଚିହ୍ନଟ ହୋଇଛନ୍ତି । ଏହାକୁ ମିଶାଇ ରାଜ୍ୟରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୩୨୩୭୫୭ ରେ ପହଞ୍ଚିଛି । ଏ ନେଇ ରାଜ୍ୟ ସୁଚନା ଓ ଲୋକସଂପର୍କ ବିଭାଗ ପକ୍ଷରୁ ସୂଚନା ପ୍ରଦାନ କରାଯାଇଛି ।
ଚିହ୍ନଟ ହୋଇଥିବା ସଂକ୍ରମିତଙ୍କ ମଧ୍ୟ ରୁ ଅନୁଗୁଳ ରୁ ୪୭ ଜଣ, ବରଗଡ ଜିଲ୍ଲାରୁ ୨୬, ଭଦ୍ରକ ଜିଲ୍ଲାରୁ ୩ ଜଣ , ଗଞ୍ଜାମ ଜିଲ୍ଲାରୁ ୧୪ ଜଣ , କଟକ ଜିଲ୍ଲାରୁ ୨୪ ଜଣ , କେନ୍ଦୁଝର ରୁ ୭ ଜଣ , ଖୋର୍ଦ୍ଧା ରୁ ୩୯ ଜଣ, ପୁରୀ ରୁ ୧୪ ଜଣ , ନବରଙ୍ଗ ଜିଲ୍ଲାରୁ ୪ ଜଣ , ନୟାଗଡାରୁ ୧୩ ଜଣ , ଓ ସମ୍ବଲପୁର ରୁ ୨୭ ଜଣ ଲେଖାଏଁ ଚିହ୍ନଟ ହୋଇଛନ୍ତି ।
ରାଜ୍ୟରେ ବର୍ତ୍ତମାନ ସୁଦ୍ଧା ମୋଟ ୩୨୩୭୫୭ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏଥି ମଧ୍ୟ ରୁ ୩୨୧୪ ଟି ଆକ୍ଟିଭ କେସ୍ ରହିଥିବା ବେଳେ ୩୧୮୬୮୩ ଜଣ ସୁସ୍ଥ ହୋଇ ଘରକୁ ଫେରିଛନ୍ତି ।
