ଫୁଲବାଣୀ (ଏଟିଆର ବ୍ୟୁରୋ); ଘାଟିରୁ ଓଲଟିଲା ମିନି ଟ୍ରକ । ପ୍ରାୟ ୫୦ ଫୁଟ ତଳକୁ ଖସିଲା ଟ୍ରକ । ଚାଲିଗଲା ୮ ଜଣଙ୍କ ଜୀବନ । ୩୦ ରୁ ଅଧିକ ଲୋକ ଗୁରୁତର ଆହାତ ହୋଇଛନ୍ତି । ଆହାତଙ୍କ ମଧ୍ୟରୁ ଅନେକଙ୍କ ଅବସ୍ଥା ସଙ୍କଟାପର୍ଣ୍ଣ ରହିଛି । ତେବେ ଏଭଳି ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି ଫୁଲବାଣୀ ଜିଲ୍ଲା ବ୍ରାହ୍ମଣୀଗାଁ ବଙ୍ଗଡଦୁଆ ଘାଟିରେ । ତେବେ ଏହି ଦୁର୍ଘଟଣାରେ ଗୁରୁତର ଆହତଙ୍କୁ ସ୍ଥାନୀୟ ବ୍ରାହ୍ମଣୀଗାଁ ମେଡିକାଲରେ ଭର୍ତ୍ତି କରାଯାଇଛି । ସେପଟେ ଅବସ୍ଥା ସଙ୍କଟାପର୍ଣ୍ଣ ଥିବା ଲୋକଙ୍କୁ ବ୍ରହ୍ମପୁର ନେବା ପାଇଁ ସୁବିଧା କରାଯାଉଛି । ତେବେ ମୃତକମାନେ କଳିଙ୍ଗ,ତାରଜେଙ୍ଗି ଏବଂ ଗଦାପୁର ଗାଁର ବୋଲି ଜଣାପଡିଛି । ପୋଲିସ ଏବଂ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ଉପସ୍ଥିତ ଅଛନ୍ତି । ଘଟଣାସ୍ଥଳରେ ଲୋକଙ୍କ ଭିଡ ଜମି ରହିଛି ।
ରିପୋର୍ଟ ମୁତାବକ ବ୍ରାହ୍ମଣୀଗାଁ ଚର୍ଚ୍ଚରେ ଏକ କାର୍ଯ୍ୟକ୍ରମରେ ଯୋଗ ଦେବା ପାଇଁ ମିନିଟ୍ରକରେ ୪୦ ଅଧିକ ବାହାରିଥିଲେ । ହସ ଖୁସିରେ ଗାଡିରେ ଯାଉଥିବା ବେଳେ ବଙ୍ଗଡଦୁଆ ଘାଟିରେ ଘାଟିରେ ଟ୍ରକଟି ୫୦ ଫୁଟ ତଳକୁ କସି ପଡିଥିଲା । ଫଳରେ ଘଟଣାସ୍ଥଳରେ ହିଁ ୮ ଜଣଙ୍କର ମୃତ୍ୟୁ ହୋଇଥିଲା । ତେବେ ଦୁର୍ଘଟଣାର କାରଣ ଜଣାପଡିନାହିଁ । ଭାରସାମ୍ୟ ହରାଇ ଟ୍ରକଟି ଦୁର୍ଘଟଣାର ଶିକାର ହୋଇଥିବା ଅନୁମାନ କରାଯାଇଛି । ଖବର ପାଇ ସ୍ଥାନୀୟ ଦମକଳ ବାହିନୀ ଏବଂ ପୋଲିସ ଗଟଣାସ୍ଥଳରେ ପହଁଞ୍ଚି ଆହତଙ୍କୁ ଉଦ୍ଧାର କରିଥିଲେ । ସେପଟେ ପୋଲିସ ମୃତ ଦେହକୁ ଉଦ୍ଧାର କରି ବ୍ୟବଛେଦ ପାଇଁ ପଠାଇ ଦେଇଛି ।
