ବଲାଙ୍ଗିର (ଏଟିଆର ବ୍ୟୁରୋ ) ; ମୁଣ୍ଡବିହୀନ ନାବାଳକଙ୍କ ମୃତଦେହ ଉଦ୍ଧାର । ଗତ ୧୩ ତାରିଖରୁ ନିଖୋଜ ଥିବା ନାବାଳକର ମିଳିଲା ଶବ । ନାବାଳକକୁ ବଳି ଦିଆଯାଇଥିବା ସନ୍ଦେହ । ଏଭଳି ଲୋମଟାଙ୍କୁରା ଘଟଣା ବଲାଙ୍ଗିର ଜିଲ୍ଲା ସିଂଧେକେଲା ଅଞ୍ଚଳରେ ଘଟିଛି । ଯାହା ସମଗ୍ର ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି । ସୁଚନା ଅନୁସାରେ , ସ୍ଥାନୀୟ ସିଂଧେକେଲା ଅଞ୍ଚଳର ଘନଶ୍ୟାନ ରଣା ନାମକ ଜଣେ ନାବାଳକ ଗତ ୧୩ ତାରିଖ ଠାରୁ ନିଖୋଜ ହୋଇଯାଇଥିଲେ । ପରିବାର ଲୋକେ ବହୁ ଖୋଜାଖୋଜି ପରେ ଘନଶ୍ୟାନଙ୍କୁ ପାଇନଥିଲେ । ଶେଷରେ ଘନଶ୍ୟାନଙ୍କୁ ଖୋଜିବା ଲାଗି ପରିବାର ଲୋକେ ପୋଲିସର ସାହାର୍ଯ୍ୟ ନେଇଥିଲେ ।
ଅଭିଯୋଗ ଅଧାରରେ ପୋଲିସ ନାବାଳକଙ୍କୁ ଖୋଜିବାଲାଗି ଚେଷ୍ଟା କରି ବିଫଳ ହୋଇଥିବା ଜଣା ପଡିଛି । ତେବେ ସିଂଧେକେଲା ଅଞ୍ଚଳରେ ଏକ ନାଳ ନିକଟରୁ ଘନଶ୍ୟନ ଙ୍କ ମୃତଦେହକୁ ଉଦ୍ଧାର କରାଯାଇଛି । ନାବାଳକଟିର ମୁଣ୍ଡ କାଟିଦିଆଯାଇଛି । ମୃତଦେହଟିକୁ ବାଲି ପୋତିଦେଇଥିଲେ ଦୁର୍ବୃତ । ସେପଟେ ମୁଣ୍ଡ ବିହୀନ ଶବ ଟିକୁ ପରିବାର ଲୋକେ ଚିହ୍ନଟ କରିଛନ୍ତି । ବଳି ଦେବାଲାଗି ଘନଶ୍ୟାନଙ୍କୁ ଅପହରଣ କରି ହତ୍ୟା କରାଯାଇଥିବା ଅଭିଯୋଗ କରିଛନ୍ତି ପରିବାର ଲୋକେ । ପୋଲିସ ମଧ୍ୟ ଘଟଣାର ଛାନଭିନ କରୁଛି । ଅତିଶିଘ୍ର ଦୋଷୀ ଧରାପଡିଯିବା ବୋଲି ପୋଲିସ କହିଛି ।
