କଟକ ( ଏଟିଆର ବ୍ୟୁରୋ): କଟକରେ ଜଣେ ଯୁବକ ଦୋକାନକୁ ଚା ଆଣିବାକୁ ଯାଇଥିବା ବେଳେ ତାଙ୍କୁ ଛୁରା ମାରି ହତ୍ୟା । ଅଭିଯୁ୍କ୍ତ ଫେରାର । ମୃତ ଯୁବକ କଟକ ଆଲାମ ଚାନ୍ଦ ବଜାରର କାର୍ତ୍ତିକ ବାରିକ ବୋଲି ଜଣା ପଡିଛି । ଖବର ମୁତାବକ ଗତ କାଲି ରାତିରେ ଏହି ହତ୍ୟାକାଣ୍ଡ ହୋଇଛି । କାର୍ତ୍ତିକ ଗତକାଲି ଘର ପାଖରେ ଥିବା ଏକ ଚା ଦୋକାନକୁ ଚା ଆଣିବାକୁ ଯାଇଥିବା ବେଳେ ସେଠାରେ ତାଙ୍କୁ ନଣ୍ଡା ନାମକ ଜଣେ ଯୁବକ ଛୁରା ମାଡ କରିଥିବା ପରିବାର ଲୋକ ଥାନାରେ ଅଭିଯୋଗ କରିଛନ୍ତି ।
ଛୁରାମାଡ ପରେ କାତ୍ତିକଙ୍କୁ କଟକ ଏସିବିରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କର ମୃତ୍ୟୁ ହୋଇଛି । ପରିବାର ଲୋକେ ଏ ନେଇ ଥାନାରେ ଅଭିଯୋଗ କରିଛନ୍ତି । ନଣ୍ଡା ଓ ମୃତ କାର୍ତ୍ତିକଙ୍କ ମଧ୍ୟରେ ପୂର୍ବରୁ ବିବାଦ ରହିଥିଲା । ମାତ୍ର ଏଇ ନିକଟରେ ଆପୋଶ ବୁଝାମଣାରେ ସମାଧାନ ହୋଇଥିଲା । ପୂର୍ବ ଶତୃତାକୁ କେନ୍ଦ୍ର କରି ନଣ୍ଡା କାର୍ତ୍ତିକଙ୍କୁ ହତ୍ୟା କରିଥିବା ପରିବାର ଲୋକେ ସନ୍ଦେହ କରୁଛନ୍ତି । ଅନ୍ୟପଟେ ଏହି ହତ୍ୟାକାଣ୍ଡ ପରେ ନଣ୍ଡା ଫେରାର ଥିବା ଜଣା ପଡିଛି ।
