ଭୁବନେଶ୍ୱର ( ଏଟିଆର ବ୍ୟୁରୋ): ଭୁବନେଶ୍ୱର ମାରୱାଡି ସଂଗଠନ ଆପନୋ ପରିବାର ପକ୍ଷରୁ ଦୀପାବଳି ଅବସରରେ ମଞ୍ଚେଶ୍ୱରର ଲାଫିଷ୍ଟା ମଣ୍ଡପ ଠାରେ ବନ୍ଧୁ ମିଳନ ଅନୁଷ୍ଠିତ ହୋଇଯାଇଛି । ଏହି ଅବସରରେ ଆପନୋ ପରିବାରର ସଦସ୍ୟମାନେ ଏକତ୍ରିତ ହୋଇ ନିଜନିଜକୁ ଶୁଭେଚ୍ଛା ଜଣାଇବା ସହିତ ଖୁସି ବାଣ୍ଟିଛନ୍ତି । ପରିବାରର ସଭାପତି କମଲ ଚନ୍ଦୁକା , ସଂପାଦକ ଶୁଶୀଲ ଅଗ୍ରୱାଲ ପ୍ରଦୀପ ପ୍ରଜ୍ୱଳନ କରି କାର୍ଯ୍ୟକ୍ରମର ଶୁଭାରମ୍ଭ କରିଥିଲେ ।
ସଦସ୍ୟଙ୍କ ମନୋରଞ୍ଜନ ପାଇଁ ରଙ୍ଗରଙ୍ଗ କାର୍ଯ୍ୟକ୍ରମ ମଧ୍ୟ ଅନୁଷ୍ଠିତ ହୋଇଥିଲା । ଆରିୟନ ଡ୍ୟାନଓ ଗ୍ରୁପର ଡ୍ୟାନସ ସାଙ୍ଗକୁ ମାନସି ପଟ୍ଟନାୟକଙ୍କ ସୁମଧୁର କଣ୍ଠରେ ଝୁମିଥିଲେ ସମସ୍ତେ । ଆଉ କାର୍ଯ୍ୟକ୍ରମରେ ସବୁଠାରୁ ଅଧିକ ଆକର୍ଷଣର କେନ୍ଦ୍ରବିନ୍ଦୁ ପାଲଟିଥିଲା ଲକି ଡ୍ର । ଯେଉଁଥିରେ ବେଶ ଉତ୍ସାହର ସହିତ ସଦସ୍ୟ ମାନେ ଭାଗ ନେଇ ଲକି ଡ୍ର ଜିତିଥିଲେ । କାର୍ଯ୍ୟକ୍ରମରେ ସୁସ୍ୱାଦୁ ବ୍ୟଞ୍ଜନ ପାଇଁ କୋଲକାତାରୁ ସ୍ୱତନ୍ତ୍ର ଭାବେ କ୍ୟାଟରିଙ୍ଗ ଖାଦ୍ୟ ପ୍ରସ୍ତୁତ କରିଥିଲେ ।
