ଆଠଗଡ଼,(ଏଟିଆର ବ୍ୟୁରୋ): ଟ୍ରକ ଓ ବସ ମୁହାଁମୁହିଁ ଧକ୍କା । କଟକ ଜିଲ୍ଲା ଆଠଗଡ ଥାନା ଖୁଣ୍ଟୁଣି ବଜାରରେ ଆଜି ଭୋର ସମୟରେ ଏଭଳି ଭୟାନକ ଦୁର୍ଘଟଣା ଘଟିଛି । ଘଟଣାରେ ୭ରୁ ଅଧିକ ଆହତ ହୋଇଛନ୍ତି । ସେମାନଙ୍କ ମଧ୍ୟରୁ ୨ଜଣଙ୍କ ଅବସ୍ଥା ଗୁରୁତର ଥିବା ବେଳେ ସେମାନଙ୍କୁ ଚିକିତ୍ସା ଲାଗି କଟକ ବଡ଼ ମେଡିକାଲରେ ଭର୍ତ୍ତି କରାଯାଇଛି । ବାକି ଆହତ ୫ଜଣଙ୍କୁ ଆଠଗଡ଼ ଚିକିତ୍ସା କେନ୍ଦ୍ରରେ ରଖାଯାଇଛି ।
ଭୋର ସାଢ଼େ ୫ଟା ବେଳେ ଏହି ଦୁର୍ଘଟଣା ଘଟିଥିବା ସ୍ଥାନୀୟ ଲୋକେ ପ୍ରକାଶ କରିଛନ୍ତି । ରିପୋର୍ଟ ଅନୁସାରେ, ବସଟି ନୂଆପଡାରୁ ଭୁବନେଶ୍ୱର ଆସୁଥିଲା । ତେବେ ଖୁଣ୍ଟୁଣି ବଜାର ପାଖରେ ଦୃତ ଗତୀରେ ଆସୁଥିବା ଏକ ଟ୍ରକ ସହ ବସଟିର ମୁହାଁମୁହିଁ ଧକ୍କା ହୋଇଥିଲା । ତେବେ ଦୁର୍ଘଟଣାକୁ ନେଇ ବେଶ କିଛି ସମୟ ସ୍ଥାନୀୟ ଅଞ୍ଚଳରେ ଟ୍ରାଫିକ୍ ସମସ୍ୟା ଦେଖାଦେଇଥିଲା । ପୁଲିସ ପହଞ୍ଚି ଆହତଙ୍କୁ ଉଦ୍ଧାର କରି ଏବେ ମେଡିକାଲ ପଠାଇଛି ।
