ଗଜପତି (ଏଟିଆର ବ୍ୟୁରୋ); ଟ୍ରକ ବାଇକ ମୁହାଁମୁହିଁ ଧକ୍କା ହୋଇଛି । ଏହି ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ଦୁଇ ଜଣ ଗୁରୁତର ଆହତ ହୋଇଛନ୍ତି । ମୃତକ ଜଣକ ହେଲେ ସିଦେ୍ଧଶ୍ୱର ଶବର । ତାଙ୍କ ଘର ଅମରସିଂହପୁର ଗାଁରେ । ସେପଟେ ଆହତ ମାନଙ୍କୁ ପାରଳାଖେମୁଣ୍ଡି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ପୋଲିସ ଘଟଣାସ୍ଥଳରେ ପହଁଞ୍ଚି ମୃତ ଦେହକୁ ଉଦ୍ଧାର କରିବା ସହ ଶବକୁ ବ୍ୟବଛେଦ ପାଇଁ ପଠାଇ ଦେଇଛି ।
ମିଳିଥିବା ସୂଚନା ମୁତାବକ ସିଦେ୍ଧଶ୍ୱର ଏବଂ ତିନିଜଣ ସାଙ୍ଗ ଗୋଟିଏ ବାଇକରେ ଯାଉଥିବା ବେଳେ ସାମ୍ନା ପଟୁ ଟ୍ରକଟି ଆସି ଧକ୍କା ଦେଇଥିଲା । ଫଳରେ ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଦୁଇ ସାଙ୍ଗ ଗୁରୁତର ଆହତ ହୋଇଛନ୍ତି । ସ୍ଥାନୀୟ ଲୋକ ଏହି ଘଟଣା ଦେଖିବା ପରେ ପୋଲିସକୁ ଖବର ଦେିଥିଲେ ଏବଂ ଆହତଙ୍କୁ ମେଡିକାଲରେ ଭର୍ତ୍ତି କରିଥିଲେ ।
