ନୀଳଗିରି ( ଏଟିଆର ବ୍ୟୁରୋ): ଚୋରା କାଠ ଗାଡି ଧକ୍କା ଦେଲା ବାଇକକୁ । ଚାଲିଗଲା ବାଇକ ଚାଳକଙ୍କ ଜୀବନ । ଏମିତି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ନୀଳଗିରିରେ । ସୂଚନା ଅନୁସାରେ ଏକ କାଠ ବୋଝେଇ ପିକଅପ ଭ୍ୟାନ ସହିତ ଧକ୍କା ହୋଇଥିଲା ଏକ ବାଇକର ଯାହା ଫଳରେ ଘଟଣା ସ୍ଥଳରେ ବାଇକ ଚାଳକଙ୍କ ମୃତ୍ୟୁ ହୋଇଥିବା ବେଳେ ୪ ଜଣ ଗୁରୁତର ଆର୍ହତ ହୋଇଛନ୍ତି । ନୀଳଗିରି ବାଉଁସିଆ ରାସ୍ଥାରେ ଏହି ଦୁର୍ଘଟଣା ଘଟିଛି ।
ତେବେ ପିକଅପ ଭ୍ୟାନଟି ଦୃତ ଗତିରେ ଜୟପୁର ରାସ୍ଥାରେ ଆସୁଥିବା ବେଳେ ସେଠାରେ ଅପରପଟୁ ଆସୁଥିବା ଏକ କାଠ ବୋଝେଇ ପିକଅପ ଧକ୍କା ଦେଇଥିଲା ବାଇକକୁ । ତେବେ ଗାଡିଟି ଧକ୍କା ଦେଇ ସେଠାରୁ ଫେରାର ହୋଇିଯିବାକୁ ଚେଷ୍ଟା କରୁଥିବା ବେଳେ ସ୍ଥାନୀୟ ଲୋକେ ପିକଅପର ପିଛା କରି ଅଟକାଇଥିଲେ ।
ଘଟଣା ସ୍ଥଳରେ ପୋଲିସ ଓ ବନ ବିଭାଗ ପହଞ୍ଚିବା ପରେ ସ୍ଥିତି ସୁଧାର ହୋଇଥିଲା । ତେବେ ପ୍ରାଥମିକ ତଦନ୍ତରୁ ଜଣା ପଡିଛି ଯେ ପିକଅପ ଭ୍ୟାନରେ ଯାଉଥିବା କାଠ ସବୁ ଚୋରା କାଠ । ବନ ବିଭାଗ ସେହିସବୁ କାଠ ଓ ଗାଡି ଜବତ କରି ଅଧିକ ତଦନ୍ତ ଆରମ୍ଭ କରିଛି । ସ୍ଥାନୀୟ ଲୋକେ ବାଇକ ଆରୋହୀଙ୍କୁ କ୍ଷତି ପୂରଣ ଦେବା ପାଇଁ ଦାବି କରିଛନ୍ତି । ଆହତ ମାନେ ଡାକ୍ତର ଖାନାରେ ଚିକିତ୍ସିତ ହେଉଛନ୍ତି ।
