କନ୍ଧମାଳ ( ଏଟିଆର ବ୍ୟୁରୋ ) : ରାଜ୍ୟରେ ଏବେ ଶୀତର ଆଗମନ ହେଉଛି । ଏକ ପ୍ରକାର ସକାଳୁ କୁହୁଡିର ଆସ୍ତରଣ ମଧ୍ୟ ଦେଖା ଦେଉଛି । ତେବେ ଆଜି ସେଇ ଘନ କୁହୁଡି ଏକ ଜୀବନ ନେଇଛି । କନ୍ଧମାଳରେ ଜଣେ ବ୍ୟକ୍ତି ଗାଡି ଚଳାଉଥିବା ସମୟରେ ତାଙ୍କୁ କୁହୁଡିରେ ରାସ୍ତା ଦେଖା ନଯିବାରୁ ଦୁର୍ଘଟଣାରେ ଜୀବନ ଯାଇଛି । ମୃତ ବ୍ୟକ୍ତିଙ୍କ ନାମ ବୀରୁ କଅଁର ବୋଲି ଜଣା ପଡିଛି । ତାଙ୍କ ଘର ସଦର ଥାନା ଗୁରୁମାଗଡ ।
ସୂଚନା ଅନୁସାରେ ବୀରୁ ଗତକାଲି ବିଳମ୍ବିତ ରାତିରେ ଘରକୁ ଫେରୁଥିବା ବେଳେ ଘନ କୁହୁଡିରେ ତାଙ୍କୁ ରାସ୍ତା ଦେଖା ଯାଇ ନଥିଲା । ଫଳରେ ସେ ଭାରସ୍ୟାମ ହରାଇ ରାସ୍ତା କଡକୁ ଖସି ପଡିଥିଲେ । ଘଟଣା ସ୍ଥଳରେ ହିଁ ବୀରୁ କଅଁରଙ୍କ ମୃତ୍ୟୁ ହୋଇଥିଲା । ଏନେଇ ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଥିଲା । ତାଙ୍କ ମୁଣ୍ଡରେ ଗଭୀର କ୍ଷତ ରହିଥିବା ଦେଖିବାକୁ ମିଳିଛି ।
