ଯାଜପୁର (ଏଟିଆର ବ୍ୟୁରୋ); ଖବର କାଗଜ ପଢ଼ି ଖବର ଜାଣୁଥିବା ବେଳେ ନିଜେ ପାଲଟିଗଲେ ଖବର । ଦୋକାନ ପିଣ୍ଡାରେ ବସି ଖବର କାଗଜ ପଢ଼ୁଥିବା ବେଳେ ପଥର କାନ୍ଥ ପଡି ଜଣଙ୍କର ମୃତ୍ୟୁ ହୋଇଯାଇଛି । ମୃତକ ଜଣକ ହେଲେ ଯାଜପୁର ଜିଲ୍ଲା ଦେବୀଦ୍ୱାର ଅନ୍ତର୍ଗତ ହରିପୁର ଗାଁର ତୁଷାର କୁମାର ଷଢ଼ଙ୍ଗୀ ।
ସୂଚନା ଅନୁଯାୟୀ ସୋମବାର ସକାଳ ବିରଜା ମନ୍ଦିର ଆଗରେ ଥିବା ଏକ ଦୋକାନ ପିଣ୍ଡାରେ ବସି ଖବର କାଗଜ ପଢ଼ୁଥିବା ବେଳେ ବ୍ରହ୍ମକୁଣ୍ଡ ମୁଖଶାଳା ନିକଟରେ ନିର୍ମାଣାଧିନ ଗେଟଟି ତୁଷାରଙ୍କ ଉପରେ ଖସି ପଡିଥିଲା । ପଥର ଗେଟ ହୋଇଥିବାରୁ ଏଥିରେ ଗୁରୁତର ଆହତ ହୋଇ ଯାଇଥିଲେ ତୁଷାର । ଘଟଣାସ୍ଥଳରେ ଥିବା ସ୍ଥାନୀୟ ଲୋକ ତାଙ୍କୁ ଉଦ୍ଧାର କରି ପ୍ରଥମେ ଯାଜପୁର ପ୍ରାଥମିକ ଚିକିତ୍ସାଳୟରେ ଭର୍ତ୍ତି କରିଥିଲେ । ପରେ ଅବସ୍ଥା ଗୁରୁତର ହେବାରୁ ତାଙ୍କୁ କଟକ ନେବା ପାଇଁ ଡାକ୍ତର ନିର୍ଦ୍ଦେଶ ଦେଇଥିଲେ । ତେବେ ଯାଜପୁରରୁ କଟକ ଆଣୁଥିବା ବେଳେ ବାଟରେ କାଙ୍କର ମୃତ୍ୟୁ ହୋଇଥିଲା ।
