ମୁମ୍ବାଇ(ଏଟିଆର ବ୍ୟୁରୋ):କମେଡ଼ି କ୍ୱିନ୍ ଭାରତୀ ସିଂ ଙ୍କ ସ୍ୱାମୀ ହର୍ଷ ଲିମ୍ବାଚିଆ ଗିରଫ ହେଲେ । ଶନିବାର ଭାରତୀ ଙ୍କୁ ଏନ୍ସିବି ଗିରଫ କରିଥିବା ବେଳେ ରବିବାର ତାଙ୍କ ସ୍ୱାମୀଙ୍କୁ ଗିରଫ କରାଯାଇଛି । ଭାରତୀଙ୍କ ଘରୁ ୮୬.୫ ଗ୍ରାମର ଗଞ୍ଜେଇ ମିଳିବା ପରେ ହର୍ଷ ଙ୍କୁ ଗିରଫ କରିଛି ପୋଲିସ ।ଏନେଇ ସ୍ୱାମୀ –ସ୍ତ୍ରୀ ଉଭୟଙ୍କୁ ଅଟକ ରଖିଛି ଏନସିବି । ଦୁହେଁ ସ୍ୱାମୀ –ସ୍ତ୍ରୀ ନିଶାଦ୍ରବ୍ୟ ସେବନ କରୁଥିବାର ସ୍ୱୀକାର କରିଛନ୍ତି ଏନସିବି ଆଗରେ ।
ଭାରତୀ ସିଂ ଙ୍କ ସ୍ୱାମୀ ହର୍ଷଙ୍କୁ ଏନସିବି ୧୮ ଘଣ୍ଟା ଧରି ଜେରା କରିବା ପରେ ଗିରଫ କରିଥିଲା ।ରବିବାର ଭାରତୀ ଙ୍କୁ କୋର୍ଟ ଚାଲାଣ କରାଯିବ ବୋଲି ସୁଚନା ମିଳିଛି । ଶନିବାର ସକାଳୁ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ବା ଏନସିବି ଭାରତୀ ସିଂହ ଏବଂ ତାଙ୍କ ସ୍ବାମୀ ହର୍ଷ ଲିମ୍ବାଚିଆଙ୍କ ମୁମ୍ବାଇ ରେ ଥିବା ଫ୍ଲାଟରେ ଚଢ଼ାଉ କରିବା ସହ ୩ଟି ଅଲଗା ଅଲଗା ସ୍ଥାନରେ ୁଚଢାଉ କରାଯାଇଥିବା ଯାଞ୍ଚ ଏଜେନ୍ସି ସୁଚନା ଦେଇଛନ୍ତି ।
ସୁଶାନ୍ତ ସଂହ ମୃତ୍ୟୁ ମାମଲା ପରେ ବଲିଉଡର ଅନେକ ଅଭିନେତା ଓ ଅଭିନେତ୍ରୀ ଡ଼୍ରଗ୍ସ ଲିଙ୍କ ମାମଲାରେ ସାମ୍ନାକୁ ଆସୁଛନ୍ତି । ବଲିଉଡ଼ରେ ଅଭିନେତା ଓ ଅଭିନେତ୍ରୀ ଡ଼୍ରଗ୍ସ କାରବାରରେ ଲିପ୍ତ ଥିବା କଥା ନେଇ ଏନସିବି ପ୍ରମାଣ ପରଇସାରିଛି ।
