ଭୁବନେଶ୍ୱର (ଏଟିଆର ବ୍ୟୁରୋ): ଜୟପୁରବାସୀଙ୍କ ସ୍ୱପ୍ନ ହେଲା ସାକାର । ଆଜିଠୁ ଜୟପୁରକୁ ବିମାନ ସେବା ଆରମ୍ଭ ହୋଇଛି । ଭୁବନେଶ୍ୱରରୁ ଜୟପୁରକୁ ଉଡିଛି ବିମାନ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାର ଶୁଭାରମ୍ଭ କରିଛନ୍ତି ।
ଇଣ୍ଡିଆ ୱାନ ଏୟାର ପ୍ରଥମ ପର୍ଯ୍ୟାୟରେ ୯ ସିଟ୍ ବିଶିଷ୍ଟ ବିମାନ ଚଳାଇଛି । ନିୟମିତ ପୂର୍ବାହ୍ନ ୧୧ଟା ୩୫ ରୁ ଭୁବନେଶ୍ୱରର ଉଡାଣ ଭରି ୧ ଟା ୨୦ ରେ ଜୟପୁରରେ ପହଁଚିବ । ସେଠାରୁ ୧ଟା ୪୦ ରେ ବିମାନଟି ଉଡାଣ ଭରି ୨ଟା ୩୦ ରେ ବିଶାଖାପାଟଣାରେ ପହଁଚିବ ପୁଣି ସେଠୁ ୩ଟାରେ ଉଡାଣ ଭରି ୩ଟା ୫୦ ରେ ଜୟପୁରରେ ପହଁଚିବା ପରେ ୪ ଟା ୫ରେ ଜୟପୁରରୁ ଉଡାଣ ଆରମ୍ଭ କରି ୫ ଟା ୫୦ ରେ ଭୁବନେଶ୍ୱରରେ ପହଁଚିବ । ଭୁବନେଶ୍ୱରରୁ ଜୟପୁରକୁ ପ୍ରାରମ୍ଭିକ ଟିକେଟ ମୂଲ୍ୟ ୧୦୪୯ ରହିଛି । ଆଗକୁ ଏହା ବୃଦ୍ଧି ହେବ ।
