ଭୁବନେଶ୍ୱର(ଏଟିଆର ବ୍ୟୁରୋ): ବିଗ ବି ଅମିତାଭଙ୍କ ପୁଣି ହୋଇଛି ଅପରେସନ । ଅମିତାଭଙ୍କ ଦ୍ୱିତୀୟ ଆଖିରେ ସର୍ଜରୀ ହୋଇଛି ବୋଲି ସେ ତାଙ୍କ ଫ୍ୟାନ୍ସମାନଙ୍କୁ ଟ୍ୱିଟର ମାଧ୍ୟମରେ ଜଣାଇଛନ୍ତି । ପୂର୍ବରୁ ତାଙ୍କର ପ୍ରଥମ ଆଖିରେ ଅସ୍ତ୍ରୋପଚାର ହୋଇଥିଲା । ତାଙ୍କର ଏହି ସର୍ଜରୀ ସଫଳ ହୋଇଥିବାରୁ ସେ ଡାକ୍ତରଙ୍କୁ ଧନ୍ୟବାଦ ଜଣାଇଛନ୍ତି ।
ଆଧୁନିକ ଚିକିତ୍ସା ଓ ପ୍ରଯୁକ୍ତି ବିଦ୍ୟାକୁ ପ୍ରଶଂସା କରିବା ସହ ଏହି ଅସ୍ତ୍ରୋପଚାର ତାଙ୍କ ପାଇଁ ଜୀବନ ପରିବର୍ତ୍ତନକାରୀ ଅଭିଜ୍ଞତା ଥିଲା ବୋଲି ସେ ଉଲ୍ଲେଖ କରିଛନ୍ତି । ଯାହା ମୁଁ ପୂର୍ବରୁ ଦେଖିପାରୁ ନଥିଲି ।ବର୍ତ୍ତମାନ ମୁଁ ସବୁ ଦେଖିପାରୁଛି ବୋଲି ସେ କହିଛନ୍ତି ।
ଏହାପୂର୍ବରୁ ବିଗ୍ ବି’ ନିଜ ବ୍ଲଗରେ ପ୍ରଥମ ସର୍ଜରୀ ପରେ ତାଙ୍କ ଅନୁଭବ ବଖାଣିଥିଲେ। ଏଥିସହ ନିଜ ବ୍ଲଗ ଜରିଆରେ ତାଙ୍କ ପ୍ରଶଂସକଙ୍କ ଦ୍ୱାରା ସେଆର କରାଯାଇଥିବା ଚିନ୍ତା ଏବଂ ଶୁଭକାମନାକୁ ନେଇ ମଧ୍ୟ ଧନ୍ୟବାଦ ଜଣାଇଥିଲେ।
