ଭୁବନେଶ୍ୱର(ଏଟିଆର ବ୍ୟୁରୋ): ରାଜଧାନୀ ଭୁବନେଶ୍ୱରରେ ମାଡିବାରେ ଲାଗିଛି କରୋନା । ଆଜି ପୁଣି ୧୯ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହାକୁ ମିଶାଇ ଭୁବନେଶ୍ୱରରେ ମୋଟ ୪୩୩ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏନେଇ ଭୁବନେଶ୍ୱର ମହାନଗର ନିଗମ ପକ୍ଷରୁ ସୂଚନା ଦିଆଯାଇଛି । ଆଜି ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ ୯ ଜଣ କ୍ୱାରାଣ୍ଟାଇନ ସେଣ୍ଟରରୁ ହୋଇଥିବା ବେଳେ ୮ ଜଣ ସ୍ଥାନୀୟ ବାସିନ୍ଦା ରହିଛନ୍ତି ।
ତେବେ ଆସନ୍ତୁ ଜାଣିବା ଆଜି ଚିହ୍ନଟ ହୋଇଥିବା ଆକ୍ରାନ୍ତଙ୍କ ଟ୍ରଭେଲ ହିଷ୍ଟ୍ରି ବିଷୟରେ
• ଆଜି ନୂଆଗାଁରୁ ୨ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରୁ ଜଣେ ୧୯ ବର୍ଷୀୟ ଯୁବକ ଥିବା ବେଳେ ଜଣେ ୮୦ ବର୍ଷୀୟ ବୃଦ୍ଧା ଅଛନ୍ତି । ଏମାନେ ନିକଟରେ ଚିହ୍ନଟ ହୋଇଥିବା ଆକ୍ରାନ୍ତଙ୍କ ସଂସ୍ପର୍ଶରେ ଆସି କ୍ୱାରାଣ୍ଟାଇନରେ ଥିଲେ ।
• ସେହିଭଲି ଏକ ଘରୋଇ ହସ୍ପିଟାଲରୁ ଦୁଇ ଜଣ କର୍ମଚାରି କରୋନା ଆକ୍ରାନ୍ତ ହୋଇଛନ୍ତି । ସେମାନଙ୍କ ମଧ୍ୟରେ ଜଣେ ୨୯ ବର୍ଷୀୟ ପୁରୁଷ ଥିବା ବେଳେ ଜଣେ ୨୭ ବର୍ଷୀୟ ମହିଳା ରହିଛନ୍ତି । ଏମାନେ ନିକଟରେ ଚିହ୍ନଟ ହୋଇଥିବା ଆକ୍ରାନ୍ତଙ୍କ ସଂସ୍ପର୍ଶରେ ଆସି କ୍ୱାରାଣ୍ଟାଇନରେ ଥିଲେ ।
• ସେହିପରି ଅନ୍ୟ ଏକ ଘରୋଇ ହସ୍ପିଟାଲରୁ ୨ କର୍ମଚାରୀ ସଂକ୍ରମିତ ହୋଇଛନ୍ତି । ସେମାନଙ୍କ ମଧ୍ୟରୁ ଜଣେ ୩୨ ବର୍ଷୀୟ ପୁରୁଷ ଓ ଜଣେ ୪୬ ବର୍ଷୀୟ ମହିଳା ରହିଛନ୍ତି । ଏମାନେ ନିକଟରେ ଚିହ୍ନଟ ହୋଇଥିବା ଆକ୍ରାନ୍ତଙ୍କ ସଂସ୍ପର୍ଶରେ ଆସି କ୍ୱାରାଣ୍ଟାଇନରେ ଥିଲେ ।
• ସେହିଭଲି ସରାକାରୀ ମେଡିକାଲର ଜଣେ ୨୯ ବର୍ଷୀୟ ମହିଳା କର୍ମଚାରୀ ଆକ୍ରାନ୍ତ ହୋଇଛନ୍ତି । ସେ ନିକଟରେ ଚିହ୍ନଟ ହୋଇଥିବା ଆକ୍ରାନ୍ତଙ୍କ ସଂସ୍ପର୍ଶରେ ଆସି କ୍ୱାରାଣ୍ଟାଇନରେ ଥିଲେ ।
• ସେହିପରି ପାହାଲରୁ ଜଣେ ୩୨ ବର୍ଷୀୟ ପୁରୁଷ ଆକ୍ରାନ୍ତ ହୋଇଛନ୍ତି । ନିକଟରେ ସେ ପଞ୍ଜାବରୁ ଫେରି କ୍ୱରାଣ୍ଟାଇନରେ ଥିଲେ ।
• ସେହିଭଲି ବରମୁଣ୍ଡାରୁ ଜଣେ ୪୮ ବର୍ଷୀୟ ପୁରୁଷ ସଂକ୍ରମିତ ହୋଇଛନ୍ତି । ନିକଟରେ ସେ କଲିକତାରୁ ଫେରି କ୍ୱରାଣ୍ଟାଇନରେ ଥିଲେ ।
• ବରଗଡ ନେତାଜୀ କ୍ଲବ ନିକଟରୁ ଜଣେ ୨୭ ବର୍ଷୀୟ ପୁରୁଷ ଆକ୍ରାନ୍ତ ହୋଇଛନ୍ତି ।
• ଭରତପୁର ତେଲୁଗୁ ସାହିରୁ ଜରେ ୬୦ ବର୍ଷୀୟ ମହିଳା ସଂକ୍ରମିତ ହୋଇଛନ୍ତି ।
• ସେହିପରି ଘାଟିକିଆ ସମ୍ ହସ୍ପିଟାଲ ନିକଟରୁ ଜରେ ୨୧ ବର୍ଷୀୟ ଯୁବକ ସଂକ୍ରମିତ ହୋଇଛନ୍ତି । ନିକଟରେ ସେ ଏକ ହଟ୍ ସ୍ପଟ୍ ଜିଲ୍ଲାରୁ ଫେରିଥିବାର ଜଣାପଡିଛି ।
• ସେହିଭଲି ୟୁନିଟ-୪ରୁ ଜଣେ ୨୪ ବର୍ଷୀୟ ପୁରୁଷ ସଂକ୍ରମିତ ହୋଇଛନ୍ତି ।
• ସେହିପରି ଘାଟିକାଆରୁ ଜଣେ ୨୯ ବର୍ଷୀୟ ପୁରୁଷ ଆକ୍ରାନ୍ତ ହୋଇଛନ୍ତି ।
• ଝାଡପଡାରୁ ଜଣେ ୩୦ ବର୍ଷୀୟ ପୁରୁଷ ବ୍ୟାଙ୍କ କର୍ମଚାରୀ ସଂକ୍ରମିତ ହୋଇଛନ୍ତି ।
• ସୁନ୍ଦରପଡା ଅଞ୍ଚଳରୁ ଜଣେ ୩୨ ବର୍ଷୀୟ ପୁରୁଷ ସଂକ୍ରମିତ ହୋଇଛନ୍ତି ।
• ପଲାସପଲ୍ଲୀ ଅଞ୍ଚଳରୁ ଜଣେ ୩୧ ବର୍ଷୀୟ ପୁରୁଷ ଆକ୍ରାନ୍ତ ହୋଇଛନ୍ତି । ନିକଟରେ ସେ ଏକ ହଟ୍ ସ୍ପଟ୍ ଜିଲ୍ଲାରୁ ଫେରିଥିବାର ଜଣାପଡିଛି ।
• ସେହିଭଲି ଦୁଇ ଜଣ କରୋନା ଯୋଦ୍ଧା ସଂକ୍ରମିତ ହୋଇଛନ୍ତି । ଉଭୟ ପୁରୁଷ । ସେମାନଙ୍କର ବୟସ ୫୯ ଓ ୫୨ ବର୍ଷ । ଉଭୟ ବାହାର ଜିଲ୍ଲାରୁ ଫେରିଥିବାର ଜଣାପଡିଛି ।
• ଅନ୍ୟପଟେ ଆଜି ରାଜଧାନୀ ଭୁବନେଶ୍ୱରରୁ ୨୩ ଜଣ ଆକ୍ରାନ୍ତ ସୁସ୍ଥ ହୋଇଛନ୍ତି । ଏହାକୁ ମିଶାଇ ଭୁବନେଶ୍ୱରରେ ମୋଟ ୨୭୦ ଜଣ ସୁସ୍ଥ ହୋଇଥିବା ବେଳେ ୧୫୬ଟି ସକ୍ରିୟ କେସ୍ ରହିଛି । ସେହିପରି ଭୁବନେଶ୍ୱରରୁ ୬ ଜଣ କରୋନାରେ ଆକ୍ରାନ୍ତ ହୋଇ ମୃତ୍ୟୁ ବରଣ କରିଛନ୍ତି ।
