ମୁମ୍ବାଇ(ଏଟିଆର ବ୍ୟୁରୋ):କରୋନାର ଦ୍ୱିତୀୟ ପର୍ଯ୍ୟାୟ ଟିକାକରଣ ଆରମ୍ଭ ହୋଇଥିବା ବେଳେ ୬୦ ବର୍ଷରୁ ଅଧିକ ଲୋକଙ୍କୁ କରୋନା ଭ୍ୟାକ୍ସିନ ଦିଆଯାଇଛି । ଅନେକ ବଲିଉଡ ଷ୍ଟାରମାନେ ଟିକା ନେଇ ସାରିବା ପରେ ବଲିଉଡ ଅଭିନେତା ଅନୁପମ ଖେର ମଧ୍ୟ କରୋନା ଭ୍ୟାକ୍ସିନ ନେଇଛନ୍ତି । ଏହି ଭ୍ୟାକ୍ସିନ ନେବା ସମୟରେ ଅନୁପମ ଟ୍ୱିଟରେ ଏକ ଭିଡିଓ ସେୟାର କରିଛନ୍ତି ।
ଅନୁପମ ମୁମ୍ବାଇର କୋକିଲାବେନ ଧୀରୁଭାଇ ଅମ୍ବାନୀ ହସ୍ପିଟାଲରେ କରୋନା ଟିକା ନେଇଛନ୍ତି । ଏହି ଟିକା ନେବା ପୂର୍ବରୁ ସେ ‘ଓଁ ନମ ଶିବାୟ’ ମନ୍ତ୍ର ଜପ କରୁଥିବାରଏକ ଭିଡିଓ ସେ ନିଜ ଟ୍ୱିଟର ଆକାଉଣ୍ଟରେ ସେୟାର କରିଛନ୍ତି । ଯାହାକୁ ଦେଖି ତାଙ୍କ ପ୍ରଶଂସକମାନେ ବେଶ ପସନ୍ଦ କରିଛନ୍ତି ।
ଏହି ଭିଡିଓ ଟି ।ସୟାର କରି ଅନୁପମ ଲେଖିଛନ୍ତି ମୁଁ କୋଗିଡ ୧୯ ର ପ୍ରଥମ ଟିକା ନେଇଛି । ଏଥିପାଇଁ ମୁଁ ସମସ୍ତ ଡାକ୍ତର , ନର୍ସ ,ଡାକ୍ତରୀ କର୍ମଚାରୀ ଓ ଭାରତ ସରକାରଙ୍କୁ ଧନ୍ୟବାଦ ଦେବାକୁ ଚାହୁଁଛି,ଯେଉଁମାନେ ଏହାକୁ ସମ୍ଭବ କରିଛନ୍ତି ।
