ଆଠଗଡ ( ଏଟିଆର ବ୍ୟୁରୋ): ଆଠଗଡ କୁଣ୍ଡଳୀ ଜଙ୍ଗଲରୁ ଏକ ମୃତ କଲରା ପତୁରିଆ ବାଘ ଉଦ୍ଧାର ହୋଇଛି । ଖବର ମୁତାବକ ଆଜି ସକାଳେ ଆଠଗଡ ରେଞ୍ଜ ତିଗିରିଆର ହରିଡାପଶି ଅଞ୍ଚଳରୁ ଏହି ମୃତ କଲରାପତୁରିଆ ବାଘ ଉଦ୍ଧାର ହୋଇଛି । ବାଘଟିକୁ ବର୍ତ୍ତମାନ ତିଗିରିଆ ଫରେଷ୍ଟ ଅଫିସରେ ରଖାଯାଇଛି । ମୃତ କଲରାପୁତୁରିଆ ବାଘର କେଉଁ କାରଣରୁ ମୃତ୍ୟୁ ହୋଇଛି ତାହା ଏଯାବତ ଜଣାପଡି ନଥିବା ବେଳେ ଗତକାଲି ଫରେଷ୍ଟ ଅଫିସର କର୍ମଚାରୀ ମାନେ ମୃତ ବାଘଟିକୁ ପୋତିବାକୁ ଚେଷ୍ଟା କରିଥିଲେ ।
ମାତ୍ର ଘଟଣାଟି ପ୍ରଘଟ ହେବା ପରେ ବାଘକୁ ଆଠଗଡ ଫରେଷ୍ଟ ଅଫିସକୁ ଅଣାଯାଇଥିବା ଚର୍ଚ୍ଚା ଜୋର ଧରିଛି । ତେବେ ମୃତ ବାଘର ବ୍ୟବଚ୍ଛେଦ ହେବା ପରେ ବାଘଟିର କେଉଁ କାରଣରୁ ମୃତ୍ୟୁ ହୋଇଛି ତାହା ସ୍ପଷ୍ଟ ହେବ । ଡିଏଫଓ ସସ୍ମିତା ଲେଙ୍କା ଅଧିକ ତଦନ୍ତ ଆରମ୍ଭ କରିଛନ୍ତି ।
