ଭୁବନେଶ୍ୱର(ଏଟିଆର ବ୍ୟୁରୋ):ଗତ ଶନିବାର ଦିନ ରାତିରେ ଯୁନିଟ-୯ରେ ଥିବା ଗ୍ରୀଡକେ କଲୋନୀରେ ପି. ଆକାଶ ଦୋରା ନାମକ ଜଣେ ଯୁବକଙ୍କୁ କିଛି ଦୁର୍ବୃତ୍ତ ଆକ୍ରମଣ କରିଥିଲେ । ଏହି ଆକ୍ରମଣରେ ଯୁବକ ଜଣଙ୍କ ଗୁରୁତର ଆହତ ହୋଇ ଚିକିତ୍ସିତ ହୋଉଛନ୍ତି । ତେବେ ଆଜି ଆକାଶଙ୍କୁ ଆକ୍ରମଣ ଘଟଣାରେ ୭ ଜଣଙ୍କୁ ଗିରଫ କରିବା ସହ ୩ଟି ବାଇକ ଜବତ କରିଛି କମିଶନରେଟ ପୋଲିସ । ସେମାନଙ୍କ ମଧ୍ୟରୁ ୨ ଜଣ ନାବାଳକ ଅଛନ୍ତି । ଅନ୍ୟ ମାନଙ୍କୁ ଧରିବା ପାଇଁ ବହୁ ଜାଗାରେ ଚଢାଉ କରୁଛି ପୋଲିସ । ଏନେଇ କମିସନରେଟ ପୋଲିସ ଟ୍ୱିଟ ମାଧ୍ୟ ମରେ ଜଣାଇଛନ୍ତି ।
ସୂଚନା ଯୋଗ୍ୟ ଗତ ଶନିବାର ରାତିରେ ଆକାଶଙ୍କୁ ରାତି ପ୍ରାୟ ୧୦ଟା ବେଳେ କିଛି ଯୁବକ ଭୁଜାଲି ଓ ଖଣ୍ଡାରେ ଆକ୍ରମଣ କରିଥିଲେ । ଆକାଶ ଗ୍ରୀଡକୋ କଲୋନୀରେ ଥିବା ଏକ ପଡିଆ ନିକଟରେ ଠିଆ ହୋଇଥିଲେ । ଏହି ସମୟରେ ପାଖାପାଖି ୧୫ଟି ବାଇକରେ କିଛି ଯୁବକ ମାନେ ଆସି ଆକାଶଙ୍କ ଉପରକୁ ଆକ୍ରମଣ କରିଥିଲେ । ଆକାଶଙ୍କ ହାତ , ଗୋଡ ଓ ଶରୀରରେ ୧୦ରୁ ଆଧିକ ଜାଗାରେ ଗଭୀର ଚୋଟ ବାଜିଛି । ଆକାଶଙ୍କ ପାଟି ଶୁଣି ସ୍ଥାନୀୟ ଲୋକ ମାନେ ଦୁର୍ବୃତ୍ତଙ୍କୁ ଗୋଡାଇବାରୁ ସେମାନେ ସେଠାରୁ ପଳାଇଥିଲେ ।
ତେବେ ସେମାନଙ୍କ ମଧ୍ୟରୁ ଜଣେ ଯୁବକ ଲୋକ ମାନଙ୍କ ହାବୁଡରେ ପଡିଯାଇଥିଲା । ଲୋକ ମାନେ ତାକୁ ନିସ୍ତୁକ ମାଡ ମାରିଥିଲେ । ଖବର ପାଇ ଶହିଦ ନଗର ପୋଲିସ ସେଠାରେ ପହଞ୍ଚି ଆକାଶଙ୍କୁ ମେଡିକାଲରେ ଭର୍ତ୍ତି କରିବା ସହ ଲୋକଙ୍କ ହାବୁଡରେ ପଡିଥିବା ଯୁବକଙ୍କୁ ଗିରଫ କରିଥିଲା । ତେବେ ପୂର୍ବ ଶତ୍ରୁତାକୁ କେନ୍ଦ୍ର କରି ଏଭଲି ଘଟଣା ଘଟିଥାଇ ପାରେ ବୋଲି ପୋଲିସ ଅନୁମାନ କରୁଥିଲା ।
