ବାଲେଶ୍ୱର ( ଏଟିଆର ବ୍ୟୁରୋ): ସ୍କୁଲ ଯାଉଥିବା ବେଳେ ଶିକ୍ଷକଙ୍କୁ ଆକ୍ରମଣ । ମୁଣ୍ଡ କଟି ଯାଇଥାନ୍ତା ହାତ କଟିଗଲା । ଏମିତି ଏକ ଭୟଙ୍କର ଘଟଣା ଦେଖିବାକୁ ମିିଳିଛି ବାଲେଶ୍ୱର ଜିଲ୍ଲା ରେମୁଣା ବ୍ଲକ ଖୋସାଲି ଗଞ୍ଜ ବିଦ୍ୟାଳୟ ନିକଟରେ । ସୂଚନା ଅନୁସାରେ ଆଜି ସକାଳ ୧୦ ଟା ବେଳେ ଉର୍ଦ୍ଦୁ ଶିକ୍ଷକ ସ୍କୁଲ ଗଲା ବେଳେ ଏହି ଦୁବୃତ୍ତ ଏହି ଆକ୍ରମଣ କରିଥିଲେ । ଆହତ ଶିକ୍ଷକଙ୍କ ନାଁ ସେକ୍ ଗୁଲା ସାଦିକ। ବୋଲି ଜଣା ପଡିଛି ।
ଆଜି ସକାଳେ ସେକ ଏକ ବାଇକ ଯୋଗେ ସ୍କୁଲକୁ ଯାଉଥିବା ବେଳେ ଠିକ ସ୍କୁଲ ନିକଟରେ କେହି ଦୃବୁର୍ତ୍ତ ମୁହଁରେ କଳା କପଡା ବାନ୍ଧି ଏକ ପଲସରରେ ଆସି ସାରଙ୍କ ଉପରକୁ ଆକ୍ରମଣ କରଥିଲେ । ଆକ୍ରମଣ ସାରଙ୍କ ମୁଣ୍ଡକୁ ହୋଇଥିଲା ମାତ୍ର ମୁଣ୍ଡରେ ହେଲମେଟ ପିନ୍ଧି ଥିବାରୁ ଖଣ୍ଡାର ଚୋଟ ମୁଣ୍ଡରୁ ଖସି ଆସି ହାତରେ ବାଜିଥିଲା । ଅକ୍ରମଣ ଘଟାଇ ଦୁବୃତ୍ତ ଘଟଣା ସ୍ଥଳରୁ କେଉଁ ଆଡେ ଫେରାର ହୋଇଯାଇଛନ୍ତି ।
ଗୁରୁତର ଅବସ୍ଥାରେ ଶିକ୍ଷକଙ୍କୁ ମେଡିକାଲରେ ଭର୍ତ୍ତି କରାଯାଇଛି । ଥାନାରେ ଅଭିଯୋଗ ପରେ ଘଟଣାର ତଦନ୍ତ ଆରମ୍ଭ କରିଛି ପୋଲିସ । ଜମିଜମା ବିବାଦରୁ ଏଭଳି ଆକ୍ରମଣ କରାଯାଇଥିବା ସାଦ୍ଦିକ ସନ୍ଦେହ କରୁଛନ୍ତି । ଏ ନେଇ ସ୍କୁଲର ପ୍ରଧାନ ଶିକ୍ଷକ ରେମୁଣା ଥାନାରେ ଅଭିଯୋଗ କରିଛନ୍ତି ।
