କେନ୍ଦ୍ରାପଡା (ଏଟିଆର ବ୍ୟୁରୋ); ସ୍ଥାନୀୟ ରାଜନଗର କୁରୁଣ୍ଟି ଗାଁରେ ଏନ୍କାଉଣ୍ଟର । ପୋଲିସ ଗୁଳିରେ ଅପରାଧୀ ସଞ୍ଜୟ ବିଶ୍ୱାଳ ଓ ବାବୁ ଆହତ ହୋଇଛି । ବାବୁର ବାମ ଗୋଡରେ ଦୁଇ ରାଉଣ୍ଡ ଗୁଳି ବାଜିଛି । ଚିକିତ୍ସା ପାଇଁ ବାବୁକୁ ରାଜନଗର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି । ଅଧିକ ଚିକିତ୍ସା ପାଇଁ କେନ୍ଦ୍ରପଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଯାଇପାରେ । ତା ନିକଟରୁ ଗୋଟିଏ ଦେଶୀ ବନ୍ଧୁକ, ଅଫୁଟା ଗୁଳି ଓ ମୋଟର ସାଇକେଲ ଜବତ କରାଯାଇଛି ।
ସୋମବାର ରାଜନଗର କଣ୍ଡିରା ଗ୍ରାମରେ ହୋଇଥିବା ଗୁଳିକାଣ୍ଡରେ ଚାରି ଜଣ ଦୁର୍ବୃତ୍ତ ସାମିଲ ଥିଲେ । ସେମାନଙ୍କ ମଧ୍ୟରେ ବାବୁ ହେଉଛି ମୁଖ୍ୟ ଆସାମୀ । ତେବେ ଗତକାଲି ଗାଁ ଲୋକ ଜଣକ କାବୁ କରି ପୋଲିସ ଜିମା ଦେଇଥିବା ବେଳେ ବାକି ସବୁ ଖସି ପଳାଇଥିଲେ । ଏଣୁ ରାଜନଗର ଏସଡିପିଓଙ୍କ ନେତୃତ୍ୱରେ ଗଠିତ ସ୍ୱତନ୍ତ୍ର ଟିମ୍ ତାକୁ ରାଜନଗର-ଗୁପ୍ତିରୋଡ୍ର କୁରୁଣ୍ଟି ଛକରେ ଏନକାଉଣ୍ଟର କରିଥିଲା। ବାବୁ ନାଁରେ ପୂର୍ବରୁ ବିଭିନ୍ନ ଥାନାରେ ହତ୍ୟା, ରାହାଜାନୀ ଭଳି ୧୦ରୁ ଊର୍ଦ୍ଧ୍ୱ ମାମଲା ରହିଛି।
